په پنسلوانیا کې وسلهوال برید؛ ۳ پولیس وژل شوي او ۲ نور ټپیان دي
د امریکا په پنسلوانیا ایالت کې په یوه وسلهوال برید کې ۳ پولیس وژل شوي او ۲ نور ټپیان دي. پېښه هغه مهال رامنځته شوه، چې پولیس د یوې کورنۍ موضوع د څېړنې لپاره سیمې ته تللي وو؛ خو یو ناڅاپه د یوه وسلهوال له لوري پرې برید وشو.
د راپورونو پربنسټ؛ وسلهوال په ډزو درې پولیس وژلي او دوه نور یې ټپیان کړي او خپله د پولیسو په ځوابي ډزو کې وژل شوی دی. د پېښې ټپیان روغتون ته لېږدول شوي؛ خو روغتیايي وضعیت یې نازک ښودل شوی دی.
