د برېټانیا جنګي الوتکو په پولنډ کې د ناټو د هوايي دفاع ماموریت پيل کړ

د برېټانیا حکومت ویلي چې د دغه هېواد جنګي الوتکو د ناټو د ختیځ ساتونکي (Eastern Sentry) ماموریت په لړ کې په پولنډ کې خپله لومړنۍ هوايي دفاعي الوتنه ترسره کړه. د دې ماموریت د پیل موخه د ناټو د دفاعي ځواک پیاوړتیا بلل شوې.

دا چاره وروسته له هغې ترسره کېږي چې د روانې سپټمر میاشتې په لومړیو کې د روسیې بې‌پېلوټه الوتکو د پولنډ په هوایي حریم کې ګزمې وکړې.