طالبان وايي، د بنګله دېش پانګهوالو ورسره د همکارۍ ژمنه کړې ده
د طالبانو د اوبو او انرژۍ وزیر عبداللطیف منصور وایي، چې پرون (د وږي ۳۰مه) یې د بنګله دېش له علماوو او پانګهوالو سره لیدلي دي. نوموړي پر اېکس پاڼه کاږلي، چې په دغه لیدنه کې پانګهوالو ورسره د څو اړخیزو همکاریو ژمنه کړې ده.
هغه زیاته کړې، چې په دغه لیدنه کې پر بېلابېلو دیني، سیاسي او اقتصادي موضوعاتو بحث شوی او د دواړو هېوادونو ترمنځ د اړیکو پر پراختیا او بېلابېلو برخو، په تېره بیا په اقتصادي او پانګونې برخه کې پر څو اړخیزې همکارۍ ټینګار شوی دی.
