سوېلي کوریا وايي، که له تضمین پرته د امریکا پانګونه ومني نو ښايي له مالي کړکېچ سره مخ شي

د سویلي کوریا ولسمشر لي جي میونګ له رویټرز خبري اژانس سره په مرکه کې ویلي، که د امریکا د ۳۵۰ مېلیارد ډالرو پانګونې غوښتنه له تضمین پرته ومني؛ نو ښايي له مالي کړکېچ سره مخامخ شي او دغه چاره به یې د هېواد په اقتصاد ناوړه اغېز وکړي.

وړاندې دواړو هېوادونو داسې شفاهي هوکړه کړې، چې له مخې به یې امریکا په سویلي کوریا د تعرفو کچه راکموي او په مقابل کې به یې امریکايي کمپنیو ته په سویلي کوریا کې د پراخې پانګوونې زمینه برابرېږي.