د چین سفیر د زلزله ځپلو سره د مرستې لپاره ۵۰زره ډالر طالبانو ته وسپارل

د طالبانو په خپرې شوې خبرپاڼه کې راغلي، چې باهو شوهوی د افغانستان په ختیځ کې له زلزله ځپلو سره خواخوږي څرګنده کړې. په خبرپاڼه کې د ښاغلي باو شو هوی له حوالې راغلي، چې د چين خلک به تل د افغان ملت ترڅنګ ولاړ وي.

هغه ویلي، چې تر دې مخکې د افغانستان په ختیځ کې د زلزله ځپلو لپاره په خوراکي او غيرخوراکي توکو بار شپږ جوپې مرستې چې ټولټال ۶۰۰ ټنه کېږي؛ د افغانستان ختیځ ته رسېدلې دي.