په میدان وردګ ولایت کې د ټرافيکي پېښې له امله دوه مساپر مړه او څلور نور ټپيان شوي دي
په میدان وردګ ولایت کې د طالبانو د اطلاعاتو او فرهنګ ریاست دوشنبه (د وږي ۳۱مه) خبر ورکړی، چې د کابل -کندهار پر لویه لار د ټوپ په دښت کې دوه ګړندي موټرونه سره ټکر شوي چې له امله یې دوه مساپر مړه او څلور نور ټپيان شوي دي.
د دغه ریاست په خبرپاڼه کې راغلي، چې دغه پېښه پرون ماسپښين شوې او ټپيان روغتون ته وړل شوي دي.
