بقايي: د محدودیتونو لګولو موخه په ملګرو ملتونو کې د ایران د ډیپلوماټیک فعالیت ګډوډول دي
د ایران د بهرنیو چارو وزارت ویاند د ایراني ډیپلوماټانو پر وړاندې د امریکا لهخوا لګول شویو محدودیتونو په غبرګون ویلي:«په نیویارک کې د ایراني ډیپلوماټانو او د هغوی د کورنیو پر وړاندې د زیاتېدونکو محدودیتونو په لګولو سره د امریکا موخه په م.م کې د ایران ډیپلوماټیک فعالیت ګډوډول دي.»
اسماعیل بقایي پر اېکس پاڼه کاږلي، چې امریکا یوازې د یوې اونۍ په لړ کې په څو نړۍوالو ناستو کې د ایراني استازو د ګډون مخه نیولې ده.
