د قزاقستان د بشري مرستو جوپه د تورغونډۍ بندر له لارې هرات ته ورسېده
د قزاقستان د بشري مرستو یوه جوپه، چې خوراکي او غیر خوراکي توکي پکې شامل دي، په اورګاډي کې د تور غونډۍ بندر له لارې هرات ته رسېدلې ده. دغه مرستې په افغانستان کې د یاد هېواد سفیر طالب چارواکو ته سپارلې دي.
د طالبانو د هرات ولایت مطبوعاتي دفتر د پنجشنبې په ورځ (د تلې درېیمه) راپور ورکړ چې د مرستې په دې جوپه کې، چې له ۲۶ بوکو یې ۱۶ بوکې هرات ته رسېدلې، ۷۲۰ټنه اوړه، ۱۰۳ټنه بوره، ۵۰۰ لسکسیزې خېمې او ۲۰۰۰کمپلې شاملې دي.
