ټرمپ: زه د جګړو د حل منځګړې یم او تراوسه مې ۸ جګړې پای ته رسولي

د سرچینو په وینا، دا لیدنه «اسانه نه وه». که څه هم د خبرو پر مهال څوک نه غږېدل، خو ټرمپ جدي او پرېکړه‌ کوونکی ښکاره کېده. یوې بلې سرچینې دا لیدنه «ناوړه» بللې ده.

راپور زیاتوي، زیلینسکي په ټینګار سره غوښتنه کړې وه چې اوکراین ته د «تاماهاوک»توغندیو مرسته وشي، خو ټرمپ له دې غوښتنې سره مخالفت وکړ او هېڅ انعطاف یې ونه ښود.

د باخبره سرچینو له قوله، ټرمپ ټینګار وکړ چې د روسیې په اړه باید ډيپلوماتیکو هڅو ته لومړیتوب ورکړل شي، او د تاماهاوک توغندیو ورکول ممکن د دې هڅو د زیان سبب شي.

د اکسیوس د راپور له مخې، زیلینسکې له ټرمپ سره د لیدنې تر پای وروسته سمدستي له اروپايي مشرانو سره په یوه ویډیويي غونډه کې خبرې وکړې. د راپور له مخې، د اروپايي هېوادونو یو شمېر مشران د ټرمپ د ظاهراً بدل شوي دریځ له امله حیران شوي وو.

ټرمپ له وړاندې هم ویلي و، چې غواړي د روسیې او اوکراین ترمنځ جګړه د خبرو له لارې پای ته ورسوي، خو د هغه وروستي دریځ د واشنګټن او کیف اړیکې یو ځل بیا له ابهام سره مخ کړې دي.

د اوکراین د بحري ځواکونو ویاند دیمترو پلیتنچوک د اکتوبر په ۱۷مه وویل، د ترلاسه شویو راډیويي مکالمو له مخې څرګندېږي چې د الوتکې پیلوټ د شمال لوېدیځې کریمیا په فضا کې وژل شوی.

نوموړي وویل: «ښکاري چې د دښمن ځواکونو خپله الوتکه د بې‌پیلوټه برید د مخنیوي پر مهال په خپلو ډزو ویشتلې وي.»

د اوکراین د ډرون بریدونو هدف ښکاره د کریمیا د «ګواردېیسکوی» هوايي اډې ته نږدې تاسیسات وو.

د اسراییلي پوځ په وینا، نن سهار یې دوه ډرونونه په نښه کړي چې په یوه کې اتومات وسلې، مرمۍ‌چارج کوونکي او مرمۍ وې، او بل د نامعلومو قاچاقي توکو د انتقال لپاره کارېده.

یاد پوځ زیاتوي، تر دې مخکې هم تېر ماښام یو بل ډرون نیول شوی او په نښه شوی و چې دوه وسلې پرې بار وې.

د اسراییلو دفاعي ځواک وايي، له مصر سره پر ګډه پوله د ډرونونو له لارې د وسلو قاچاق هڅې په وروستیو میاشتو کې زیاتې شوې دي، خو د پوځ د څارنې ټیمونه د دغو پېښو د مخنیوي هڅې کوي.

ټرمپ وروسته خبریالانو ته وویل، « زما ټول سروکار له معاملاتو سره دی. هیله ده دا معامله به هم ژر بشپړه کړو».

ټرمپ د تاماهاک توغندیو په اړه ټینګار وکړ چې پوتین نه غواړي دا وسلې اوکراین ته ورکړل شي.

ټرمپ ویلي، چې روسیه وخت تېروي، «موږ وینو چې مسکو د تاماهاک توغندیو [پر سر خبرو اترو] سره سم د خبرو د بیا پیل هڅه کوي».

ټرمپ په خپل ټولنیز پلاتفورم کې لیکلي چې دی به د جمعې په ورځ په سپینې ماڼۍ کې زیلېنسکي ته له پوتین سره د خبرو جزئیات وړاندې کړي.

له پوتین سره د ټرمپ نرم دریځ دا اندېښنه پیدا کړې چې ښایي امریکا په نږدې راتلونکي کې اوکراین ته مرستې ورکول له پامه وغورځوي. دې د امریکا او اوکراین په اروپايي متحدینو کې دا وېره ټوکولې، چې واشنګټن به مسکو ته امتیاز ورکړي.

په اوکراین کې دا توغندي د جګړې د بدلون وسیله ګڼل کېږي، ځکه کولای شي له سرحدونو لرې د روسیې د انرژۍ تاسیسات کره په نښه کړي.

کارولین لیویټ دا څرګندونې وروسته له هغه وکړې، چې ممداني د یوې مرکې پر مهال له دې ځواب ورکولو ډډه وکړه، چې ایا حماس باید وسلې پر ځمکه کېږدي او د غزې کنټرول پرېږدي که نه.

د سپینې ماڼۍ ویاندې زیاته کړه: «ولسمشر ډونالډ ټرمپ په منځني ختیځ کې د جګړې د پای ته رسولو لپاره سخت کار وکړ. دا ټرمپ و، چې وروستی ژوندي برمته شوی کس یې له غزې څخه بېرته راوست».

نوموړې وویل، ټرمپ په رښتیا د سولې لپاره هڅه کړې او پوښتنه یې وکړه: «هغه معترضان چې د فلسطین د ازادۍ شعارونه یې ورکول، اوس چېرته دي؟ دا ټرمپ و، چې فلسطین یې رښتیا ازاد کړ، خو اوس هغوی چوپ دي، ځکه د ټرمپ زغمل ورته ګران دي».

لیويټ د خبرو په پای کې وویل: «د نن ورځې ډیموکرات ګوند هېڅ لورینه لري، پرته له دې چې د خپلې افراطي چپي ډلې غوښتنو ته خدمت وکړي».

زهران ممداني، چې د ټرمپ سخت منتقد بلل کېږي، په خپلو خبرو کې ویلي و: «زه د حماس او اسراییل د راتلونکي په اړه، له عدالت او امنیت هاخوا، کوم مشخص نظر نه لرم».