په شمالي وزیرستان کې د امنکمیټې پر موټر وسله والو برید کړی چې له امله یې شپږ کسان وژل شوي دي. د ځایي سرچینو په وینا، دا پېښه د میرعلې په ایپي کلي کې شوې. وسله والو لومړی د امنکمیټې پر موټر ډزې کړې دي او وروسته یې اور ور اچولی.
د خیبر پښتونخوا ایالت د شمالي وزیرستان ولسوالۍ امنیه قوماندان تایید کړې چې پېښه په میرعلي سیمه کې شوې او وسله والو پر موټر په ډزو کې شپږ کسان وژلي دي.
د ده په وینا، له برید وروسته موټر اور واخیست او بریدګر له سیمې تښتېدلي دي.
پولیس وایي، د وژل شویو کسانو مړي د پېژندنې لپاره د میرعلي روغتون ته انتقال شوي دي.
خو تر اوسه د دغه برید مسوولیت چا نهدی منلی.
دغه برید په داسې حال کې شوی، چې په وروستیو میاشتو کې په شمالي وزیرستان او شاوخوا سیمو کې د وسله والو بریدونه زیات شوي او سیمه یې نا امنه کړې ده.
