په پاکستان کې د کډوالې افغانې سندرغاړې «اسما وصال» خور خوشي مهتاب، افغانستان انټرنشنل – پښتو ته تایید کړې چې خور یې(اسما وصال) پاکستاني پولیسو تېره ورځ په اسلام اباد کې د ویزې د اعتبار نېټې د پای ته رسېدلو له امله نیولې ده.
اغلې مهتاب زیاته کړې، چې خور یې د تېرې ورځې راهیسې د اسلام اباد په حاجي کمپ (د کډوالو لېږد مرکز) کې د نظارت لاندې ده، او افغانستان ته په جبري ډول د ستنولو له ګواښ سره مخ ده.
اسما وصال له تېرو درېو کلونو راهیسې په تبعید کې د پاکستان په پلازمېنه اسلاماباد کې د خپلې خور او یو ورور سره اوسېده.
د پاکستان حکومت او امنیتي چارواکو تر اوسه په دې اړه تبصره نه ده کړې.
دا افغانه سندرغاړې په داسې حال کې د پاکستاني پولیسو له خوا نیول کېږي، چې د طالبانو او پاکستان پوځ ترمنځ د وروستیو نښتو او د پاکستان د لومړي وزیر د فرمان له مخې، د افغان کډوالو د جبري ایستلو بهیر ګړندی شوی دی.
په پاکستان کې مېشت افغان کډوال وايي، په وروستیو دریو ورځو کې پولیسو د افغانانو د نیولو لړۍ چټکه کړې او په ځینو مواردو کې د پیسو غوښتنه هم ورڅخه کېږي.
په همدې حال کې، ځینې پاکستاني رسنیو د کورنیو چارو وزارت د سرچینو له قوله لیکلي، چې دغه وزارت امنیتي بنسټونو ته سپارښتنه کړې، چې د هغو افغان کډوالو د نیولو او ایستلو ډډه وکړي چې «حساس وضعیت» لري، یعنې هنرمندان، خبریالان، مدني فعالان او هغه کسان چې ژوند یې د افغانستان په شرایطو کې له ګواښ سره مخ دی.
خو د اسما وصال خور خوشي مهتاب وایي: «د اسما له نیول کېدو وروسته مې د پاکستان کورنیو چارو وزارت لخوا کډوالو ته د ورکړل شوې شمېرې سره اړیکه ونیوله، خو کله چې هغه کس پوه شو چې زه افغانه کډواله یم، نو اړیکه یې پرې کړه او بیا یې زمونږ اړیکې ته ځواب نه وایه».
د پاکستان دولتي راډيو د پنجشنبه په ورځ (د لړم لومړۍ) په یوه خبر کې ویلي، چې د پنجاب حکومت په غوښتنه د کورنیو چارو وزارت، فدرالي کابینې ته د همدې ډلې د فعالیتونو په اړه راپور وړاندې کړی.
تر دې وړاندې هم په ۲۰۲۱ کال کې د هغه مهال حکومتي مسولینو د پاکستان تحریک لبیک پر ډلې بندیزونه لګولي وه؛ خو بیا څو میاشتې وروسته په دې شرط له دې ډلې بندیزونه لیري شول، چې نور به تاوتریخولای او عامه ګډوډۍ نه کوي.
په خبر کې ویل شوي، چې اوسنی بندیز د همدې سرغړونو له امله شوی.
د همدې ډلې په اړه د کابینې په غونده کې ویل شوي، چې دوی په تېرو لاریونونو کې د امنیتي او ملکي کسانو د مرګ ژوبلې لامل هم ګرځېدلي دي.