قطر له زلزلهځپلو افغانانو سره خواخوږي څرګنده کړه
قطر د افغانستان په شمالي ولایتونو کې د شوې زلزلې له امله خواشیني څرګنده کړې او ټپيانو ته یې د بېړنۍ روغتیا هیله کړې ده.
د قطر بهرنیو چارو وزارت د دوشنبې په ورځ (د لړم ۱۲مه) د یوې خبرپاڼې په خپرولو سره زیاته کړې، «د قطر دولت د قربانیانو له کورنیو، د افغانستان له سرپرست حکومت او د دغه هېواد له خلکو سره خپله خواخوږي څرګندوي او د ټپیانو د ژر تر ژره رغېدو هیله کوي.»
