خواجه اصف: د کابل واکمنان جګړه درولی شي خو تر اسلام‌اباده یې راوړل خطرناک پیغام دی

د طالبانو د بهرنیو چارو وزارت نن سې شنبه، د لړم ۲۰مه، وویل، چې ددې ډلې د بهرنیو چارو وزیر امیرخان متقي د قزاقستان د بهرنیو چارو له وزیر یرمیک کوشربایف سره د ټیلیفوني اړیکې پر مهال د دواړو هېوادونو ترمنځ د دوه اړخیزو اړیکو د لا پیاوړتیا، اقتصادي همکاریو د پراختیا او د سیمې د وروستیو حالاتو په اړه خبرې وکړې.

د وزارت په وینا، امیر خان متقي څرګنده کړې چې دغه ډله د سیمې په چارو کې ډیپلوماسي، تفاهم اومتقابل احترام ته ځانګړی ارزښت ورکوي.

نوموړي دغه راز ویلي، چې د قزاقستان په څېر د سیمې له هېوادونو سره مثبت تعامل د طالبانو د ثبات، اقتصادي پرمختګ او سیمه‌ییز تفاهم د ملاتړ څرګندونه کوي.

د طالبانو په اعلامیه کې راغلي، چې د قزاقستان د بهرنیو چارو وزیر د طالبانو له «رغنده دریځونو» او د سیمې د سولې او ثبات د ټینګښت په برخه کې له روانو هڅو درناوی کړی.

په اعلامیه کې د هغه له خولې لیکل شوي، چې نوموړي د طالبانو دریځ وستایه او ټینګار یې وکړ چې د سیمې ثبات او سوکالي د ټولو هېوادونو ګډ مسوولیت دی، چې باید د متقابل اعتماد، اقتصادي همکارۍ او دوامدار تفاهم له لارې ترلاسه شي.

د دغه وزارت د خبرپاڼې له مخې؛ دغه ډله یې د غلاوو په څو پېښو کې د لاس لرلو په تور نیولې، چې اوس ترې پوښتنې ګروېږنې روانې دي. خبرپاڼه کاږي، نیول شویو کسانو د لومړنیو څېړنو پرمهال منلې چې په هرات ښار کې یې د کورونو، پلورنځیو او موټرونو د غلا په پېښو کې لاس لاره.

خبرپاڼه زیاتوي، له دغو کسانو څخه اووه ډوله بېلابېلې وسلې، درې موټرسایکلونه او ګڼ شمېر موبایلونه ترلاسه شوي. د طالبانو له بیا واکمنېدو سره په افغانستان کې د بې‌کارۍ، اقتصادي ستونزو او د عایداتي سرچینو د نشتوالي له امله د غلاوو پېښې زیاتې شوې دي.

د لویو ښارونو اوسېدونکي وایي، نږدې هره ورځ د موبایلونو، موټرونو او پلورنځیو د غلا خبرونه اوري چې د امنیتي اندېښنو ترڅنګ یې د خلکو پر ورځني ژوند هم ناوړه اغېز کړی دی.

شهباز شریف د دغه دوه‌ ورځنۍ ناستې د پرانیستې پر مهال وویل، چې «امن او ثبات د تلپاتې پرمختګ بنسټ دی.» هغه زیاته کړه، چې پرمختګ یوازې په هغه ټولنه کې شونی دی؛ چېرې چې امنیت او ثبات وي.

نوموړي دارنګه ویلي، «طالبان باید درک کړي، چې د تحریک طالبان پاکستان ملاتړ د سولې لاره نه‌ده. که افغان طالبان د ټي‌ټي‌پي او نورو ترهګرو ډلو پر ضد عملي اقدام وکړي، پاکستان به د هر ډول همکارۍ لپاره چمتو وي.»

دا په داسې حال کې ده چې د ملګرو ملتونو د امنیت شورا په غونډه کې د پاکستان دايمي استازي عاصم افتخار ویلي، چې د افغانستان دننه د پرمختللو وسلو او مهماتو شته‌والی د اندېښنې وړ دی. نوموړي څرګنده کړې، چې اسناد ښيي ترهګر په ښکاره له افغانستان نه بریدونه کوي او هڅه کوي دغه وسلې د ترهګریزو موخو لپاره ګاونډیو هېوادونو ته قاچاق کړي.

خو دا هغه څرګندونې دي، چې طالبانو په وار، وار رد کړې دي.

د پاکستان ډان ورځپاڼې د رسمي سرچینو په حواله راپور ورکړی، چې د طالبانو د بیا واکمنۍ له پیل راهیسې د امنیتي ستونزو او د پاکستان له‌خوا د سوداګرۍ پر وړاندې د سختو تګلارو له امله پاکستان د افغانستان د بازار شاوخوا ۶۵ سلنه برخه له لاسه ورکړې، چې ځای یې ایران، د منځنۍ اسیا ځينو هېوادونو، ترکیې او هندوستان نیولی دی.

راپور کې راغلي، چې په پاکستان کې د ډېورنډ کرښې تړل پاتې کېدو له امله د کچالو او کیلې صادرات کم شوي او که سملاسي ګامونه ونه اخیستل شي؛ نو د مالټو صادرات به هم ټکني شي.

یو پاکستاني سوداګر نظیم ګل «ډان» ورځپاڼې ته ویلي، چې پر ډیورنډ کرښه د کړکېچ له پیل څخه وړاندې هم د کابل او جلال‌اباد بازارونه د ایران، ترکیې او منځنۍ اسیا هېوادونو له محصولاتو ډک وو. هغه وویل، چې افغان سوداګر له پاکستان سره د سوداګرۍ پرتله د ایران سره سوداګري کول غوره ګڼي؛ ځکه ایران د ویزو او ګمرکي محصولاتو په برخه کې ورته اسانتیاوې برابروي.

د تورخم د ګمرکونو د تصفیې ټولنې مشر مجیب الله شینواري وویل، «موږ له اوږدې مودې راهیسې له حکومت څخه غوښتنه کوو، چې د افغانستان سره دوه اړخیزه سوداګري له امنیتي او سیاسي مسایلو جلا وساتي.»

هغه زیاته کړه، چې له افغانستان سره د پاکستان د سوداګري کچه د ۲۰۱۲-۲۰۱۶ کلونو پرتله له ۲،۵ مېلیارد ډالرو څخه اوس یوازې ۸۰۰-۹۰۰ مېلیون ډالره ته راټیټه شوې ده. شینواري د دغه ستونزې د حل لپاره وړاندیز وکړ، چې د قبایلي مشرانو، سیاست‌والو او سوداګرو یوه ځواکمنه جرګه جوړه شي؛ څو د دواړو هېوادونو سره د لارو د پرانیستلو لپاره یو ګډه حل لاره ومومي او د سوداګرو مالي تاوانونه راکم کړي.

له بلې خوا د ځايي ځوانانو سازمان مشر اسرار شینواري د تورخم دروازې د سمدستي پرانیستلو غوښتنه وکړه او خبرداری یې ورکړ چې که د دوی مشروع غوښتنې ونه منل شي؛ نو پراخ لاریونونه به وکړي.

د یاد کمېسیون په راپور کې راغلي، له دې ډلې د کندهار د سپین بولدک له لارې ۵۲۸۶، د ننګرهار د تورخم له لارې ۲۳۲۲، د هلمند د بهرامچې له لارې ۸۴۳، د هرات د اسلام‌کلا له لارې ۲۲۴ او د نیمروز د ورېښمو پله له لارې ۲۲۲ افغانان افغانستان ته ستانه کړای شوي دي.

د راپور له مخې؛، د راستنېدونکو کډوالو لپاره د ترانسپورت او نورو لومړنیو اړتیاوو په برخه کې ټولې مرستې ۲۳.۶ مېلیونه افغانیو ته رسېدلې دي.

یاده دې وي، چې په دې وروستیو کې د پاکستان په ټولو ښارونو کې د پولیسو له لوري د افغانانو د نیولو او جبري اېستنې لړۍ چټکه شوې. که څه هم نړۍوالو ادارو او ملګرو ملتونو د پاکستان د حکومت دغه اقدام د نړۍوالو قوانینو او انسانیت خلاف عمل بللی او له دوی یې غوښتي، چې دغه لړۍ ودروي؛ خو د پاکستان حکومت د نړۍوالو دغه غوښتنې ته مثبت ځواب نه‌دی ورکړی.