طالبانو له یوې موسسې سره د معلولینو د اقتصادي پیاوړتیا لپاره هوکړه وکړه

د هندي رسنیو د راپور له مخې، دغه غونډه د چارشنبې په ورځ د مرغومې په ۱۷مه، د «سري ګورو رام داس» نړیوال هوايي ډګر له لارې د هند-افغان سوداګریزو فرصتونو د ارزونې په موخه شوې ده.

په غونډه کې، چې د هند-افغان سوداګریز کمېسیون د پنجاب د پخواني مشر ګنبییر سینګ په بلنه جوړه شوې وه، د سوداګرو او اړوندو ادارو استازو د امرتسر هوايي ډګر له لارې د سوداګرۍ پر شته او احتمالي فرصتونو بحث وکړ.

په دې ناسته کې د هند پخواني سفیر نوودېپ سوري، د هوايي ډګر رییس بهپینډر سینګ، د راحت کارګو عمومي مدیر سونیل کوهلي او صادروونکي صاحب سینګ باجوه ګډون کړی و. ګډونوالو د کارګو د ظرفیت لوړولو او د صادراتو د اسانتیاوو پر ښه کولو ټینګار کړی دی.

د امرتسر هوايي ډګر رییس بهپینډر سینګ وویل، چې دغه هوايي ډګر تېر کال ۲۳۶ متریک ټنه واردات او ۹۷۲ متریک ټنه صادرات کړي، حال دا چې د تازه او غیر تازه توکو د ساتلو ظرفیت یې ۲۵۰ ټنو ته رسېږي. هغه ژمنه وکړه، چې د سوداګرو د ستونزو د حل لپاره به بشپړه همکاري وکړي.

صادروونکي صاحب سینګ باجوه، چې له کاناډا څخه پنجاب ته ستون شوی، د ځایي کرنیزو محصولاتو د صادراتو پراخ فرصتونه یاد کړل، خو ویې ویل چې د الوتکو محدود ظرفیت، د ګمرک لنډ کاري ساعتونه او رخصتۍ د صادراتو بهیر له ځنډ سره مخ کوي.

د هند پخواني سفیر نوودېپ سوري دغه غونډه د سوداګرۍ په برخه کې مهمه او اغېزناکه وبلله او ویې ویل چې د کابل- دوبۍ سوداګریز دهلیز به د افغانستان او سیمې لپاره نوي اقتصادي فرصتونه رامنځته کړي.

د ګیان ولسوالۍ ابتدایي محکمه دغه کسان د سې شنبې په ورځ د مرغومې په ۱۶مه نېټه په دُرو وهلي دي. دغه مجازات د طالبانو د سترې محکمې له تایید وروسته عملي شوي دي.

طالبانو په تېره اونۍ کې لږ تر لږه ۳۶ کسان په بېلابېلو تورونو د ټول افغانستان په کچه په دُرو وهلي دي.

سره له دې چې نړیوالې ټولنې د بدني سزا، شکنجې او عامه ارعاب سره مخالفت کړی، طالبانو په عامه ځایونو کې د مجازاتو ورکولو ته ادامه ورکړې ده.

طالبان دا کړنې د «اسلامي شریعت» د پلي کولو په توګه یادوي.

د افغانستان د زعفرانو د کروندګرو اتحادیې د چارشنبې په ورځ وویل، چې د دغه لوړ ارزښته محصول ۹۵ سلنه برخه د هېواد په لوېدیځ، هرات ولایت کې تولید شوې ده.

د اتحادیې مشر ابراهیم عدیل ویلي، چې د زعفرانو ټول حاصلات د اروپا، عربي هېوادونو او امریکا بازارونو ته صادر شوي دي.

د نوموړي په وینا، دا مهال زعفران د هېواد په کچه پر نږدې ۱۲ زره هکتاره ځمکه کرل کېږي، چې له دې نه شاوخوا ۱۰ زره او ۵۰۰ هکتاره یې په هرات ولایت کې دي.

په ورته وخت کې، افغان زعفرانو د کیفیت له پلوه یو ځل بیا د نړۍ لومړی مقام خپل کړی او دا لسم ځل دی چې د بلجیم په بروکسل کې مېشت د خوند ارزونې نړیوال انستیتوت له لوري دغه مقام ورکول کېږي.

زعفران د افغانستان له مهمو صادراتي توکو شمېرل کېږي چې له ډبرو سکرو، تازه او وچو مېوو، لاسي اوبدل شویو غالیو او قیمتي او نیمه قیمتي ډبرو سره یو ځای صادرېږي.

دغه لوړ ارزښته کرنیز محصول چې په ولسي اصطلاح د «سرو زرو» په نوم یادېږي، د زیاتې ګټې له امله ورځ تر بلې د لا ډېرو بزګرانو پام ځان ته اړوي.

دا مهال د زعفرانو یو کیلوګرام په کورني بازار کې شاوخوا ۱۰۰ زره افغانۍ پلورل کېږي او بیې یې د زیاتېدو په حال کې دي.

د طالبانو د غور ولایت د عامې روغتیا ریاست چارواکي وايي، چې په دې پروژو کې ۱۱ روغتیايي مرکزونه چې په الفاروق، ساغر، پسابند او لعل او سرجنګل ولسوالیو کې موقعیت لري، له کتنځي، زېږنتون، واکسین مرکزونو، اوبو رسونې سیسټمونو، طبي تجهیزاتو او نورو اړینو اسانتیاوو سره یو ځای فعال شوي دي.

د طالبانو تر کنټرول لاندې د باختر اژانس د راپور له مخې، د پروژو ټول لګښت ۲۳ میلیونه او ۸۰۰ زره افغانۍ و، چې د اکشن اید او ورلډ ویژن موسسو په مالي ملاتړ پلې شوې.

راپور زیاتوي چې د دغو پروژو بشپړېدل د غور د لرې پرتو سیمو د روغتیايي خدماتو په ښه والي کې مهم ګام دی او خلکو ته د باکیفیته درملنې اسانتیا برابروي.

د بهرنیو چارو پخواني وزیر حنیف اتمر پر خپل اېکس له مدني فعالانو، نړیوالوڅارونکو، ملګرو ملتونو، نړیوال بانک او نوروبنسټونوغوښتې چې د عملي او مسوولانه اقداماتو له لارې دافغانستان طبیعي سرچینوناورین مخه ونیسي او د ملي منابعو د ساتنې لپاره جدي ګامونه واخلي.

هغه پر بې‌ګناه او بې‌دفاع افغانانو تشدد غندلی او غوښتنه یې کړې، چې عاملین یې قانوني تعقیب شي.

اتمر دغه راز د هېواد په بېلابېلو سیمو، په ځانګړي ډول تخار او بدخشان کې د کانونو غیر قانوني استخراج ته اشاره کړې، چې دده په وینا، له ملي قوانینو او نړیوالو معیارونو په سرغړونې سره، د خلکو د حقوقو، ژوند او چاپېریال لپاره جدي خطرونه پېښوي.

اتمر ټینګار کړی، چې د افغانستان طبیعي سرچینې باید د خلکو د اقتصادي ودې، عدالت، سولې، امنیت او ثبات لپاره وکارول شي، نه دا چې د بې‌وزلۍ، ناورینونو او ناامنیو د پراختیا لامل شي.

هغه د ملګرو ملتونو له څانګوالو ادارو، نړیوال بانک او نړیوالو مالي بنسټونو وغوښتل چې د هېواد د طبیعي سرچینو د ناسمې کارونې مخه ونیسي.