طالبانو له یوې موسسې سره د معلولینو د اقتصادي پیاوړتیا لپاره هوکړه وکړه
د طالبانو تر واک لاندې د شهیدانو او معلولینو چارو وزارت ویلي، چې د ماشومانو ملاتړ نړۍوالې موسسې سره یې د ۵۴۸ زره ډالرو په ارزښت د همکارۍ هوکړه لاسلیک کړې ده.
د طالبانو تر واک لاندې د شهیدانو او معلولینو چارو وزارت ویلي، چې د ماشومانو ملاتړ نړۍوالې موسسې سره یې د ۵۴۸ زره ډالرو په ارزښت د همکارۍ هوکړه لاسلیک کړې ده.
یاد وزارت د چهارشنبې په ورځ (د مرغومي ۱۷مه) پر خپلې اېکسپاڼې لیکلي، چې د دې هوکړې له مخې به په جوزجان او سرپل ولایتونو کې ۱۰۵۶ معلولینو ته د اقتصادي پیاوړتیا او نورو برخو کې مرستې برابرې شي.
طالبانو دا نهدي څرګند کړي، چې په یادو مرستو کې به د تېر جمهوري نظام نظامي معلولین او د هغوی د کورنۍ غړي هم شامل وي او که نه.
دا په داسې حال کې ده، چې د طالبانو تر واک لاندې د شهیدانو او معلولینو چارو وزارت د اطلاعاتو او عامه اړیکو رییس فیصل خاموش ویلي و، چې په روان مالي کال کې یې شاوخوا ۶۰۰ زره یتیمانو، کونډو او معلولینو ته د شپږو میاشتو مساعدتونه حواله کړې دي.
