• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo
لوبې

افغان اتلان له ویسټ‌انډیز سره د شل اوریزو لوبو لپاره متحده عربي اماراتو ته ولاړل

۲۱ مرغومی ۱۴۰۴ - ۱۱ جنوری ۲۰۲۶، ۱۷:۰۳ GMT+۰

د افغانستان د کرکټ ملي لوبډله د یکشنبې په ماسپښین له کابل څخه متحده عربي اماراتو ته لاړه، چې له ویسټ‌انډیز سره د درې شل اوریزو نړیوالو لوبوپه لوبلړۍ کې ګډون وکړي. د دې لوبلړۍ لومړۍ شل اوریزه سیالي به د جنورۍ پر ۱۹مه په دوبۍ کې ترسره شي.

ټاکل شوې افغان لوبډله د لوبو له پیل مخکې په دوبۍ کې د یوې اونۍ روزنیز او بدني چمتووالي کمپ ترسره کړي.

دوه نورې لوبې به د همدې میاشتې په ۲۱مه او ۲۲مه نېټه په متحده عربي اماراتو کې وشي.

د یادې لوبلړۍ په پای کې افغان لوبډله په شل اوریز نړیوال جام سیالیو کې د ګډون په موخه هند ته سفر کوي.

د افغان کرټ بورډ د معلوماتو له مخې، د افغان لوبډلې پیاوړی او تجربه لرونکی لوبغاړی ګلبدین نایب، چې د بنګله دېش او زمبابوې پر وړاندې سیالیو کې د لوبډلې برخه نه و، لوبډلې ته راګرځېدلی دی. د نوموړي ترڅنګ نوین الحق چې له اوږدې مودې راهیسې د اوږې ټپ له امله له سیالیو بهر و، بیا ځلې لوبډلې ته راغلی دی.

کیڼ لاسی توپ وهونکی شاهدالله کمال او ویکټ ساتونکی او توپ وهونکی محمد اسحاق هم په لوبډله کې اخیستل شوي دي. ځوان او تکړه چټک توپ اچوونکی عبدالله احمدزی چې په دې وروستیو کې یې د افغان لوبډلې په ګټه ګڼ شمېر لوبې کړې، هم لوپډله کې خپل ځای ساتلی دی.

دغه راز تکړه چپ لاسی چټک توپ اچوونکی فضل الحق فاروقي چې د بنګله دېش پر وړاندې د یو ورځنیو او شل اوریزو سیالیو په لوبلړۍ کې ونه لوبېد او د زمبابوې پر وړاندې لوبلړۍ کې یې هم یوازې یوه لوبه وکړه، هم د راتلونکو سیالیو لپاره لوبډلې ته راګرځېدلی دی.

د بورډ د معلوماتو له مخې، راشد خان لوبډلمشر، ابراهیم ځدراڼ مرستیال لوبډلمشر، رحمن الله ګربز او محمد اسحاق ویکټ ساتونکي، صدیق الله اتل، دروېش رسولي، شاهدالله کمال، عظمت الله عمرزی، ګلبدین نایب، محمد نبي، نور احمد، مجیب الرحمن، نوین الحق، فضل الحق فاروقي او عبدالله احمدزی د لوبډلې نور غړي دي.

د دوی ترڅنګ غضنفر، اعجاز احمدزی او ضیاءالرحمن شریفي د احتیاطي لوبغاړو په توګه لوبډلې کې شامل شوي دي.

ډېر لیدل شوي

سرچینې: د طالبانو د بهرنیو چارو وزارت جرمني ته څلور نور ډېپلوماټان لېږي
۱
ځانګړی

سرچینې: د طالبانو د بهرنیو چارو وزارت جرمني ته څلور نور ډېپلوماټان لېږي

۲

د تېلو تور بازار؛ ایران څه ډول له طالبانو سره په همکارۍ بندیزونه ماتوي؟

۳

انتونیو ګوترېش: د اقلیمي بدلونونو حقیقت به د چا د خوښې لپاره بدل نه‌کړم

۴
ځانګړی

طالبانو د خوست له سرحدي سیمو د وزیرستاني کډوالو شاوخوا ۱۲۰۰ کورنۍ نورو سیمو ته ولېږدولې

۵
ځانګړی

زرمینه: د طالبانو په لومړۍ واکمنۍ کې مې مور او اوس زه او لور مې له زده‌کړو محرومې یو