د افغانستان د نولس کلنو کرېکټ لوبډلې د اسټرالیا د نولس کلنو لوبډلې ته ماتې ورکړه
د افغانستان د نولس کلنو کم عمره لوبډلې د نړۍوال جام له لوبو وړاندې په یوه تمریناتي سیالۍ کې د اسټرالیا د نولس کلنو لوبډلې ته د ۶ ویکټو په توپیر ماتې ورکړه.
د افغانستان د نولس کلنو کم عمره لوبډلې د نړۍوال جام له لوبو وړاندې په یوه تمریناتي سیالۍ کې د اسټرالیا د نولس کلنو لوبډلې ته د ۶ ویکټو په توپیر ماتې ورکړه.
دغه لوبه د یکشنبې په ورځ په نامیبیا کې ترسره شوه، چې موخه یې د ۲۰۲۶ کال د نړۍوال جام لپاره چمتوالی ښودل شوی دی.
د لوبې پچه د اسټرالیا لوبډلې وګټله او لومړی یې د توپوهنې پرېکړه وکړه.
افغان لوبډلې د لوبې په لومړۍ برخه کې غوره توپاچونه نندارې ته وړاندې کړه او د اسټرالیا ټول لوبغاړي یې په ۱۶۷ منډو کې وسوځول.
د لوبې په دویمه برخه کې افغان لوبدلې د توپاچونې په شان غوره توپ وهنه نندارې ته وړاندې کړه او د عثمان سادات د ۵۴ منډو، د محبوبخان د ۳۴ او عزیرالله خان نیازي د ۲۸ منډو په مټ یې سیالې لوبډلې ته د شپږ ویکټو په توپیر ماتې ورکړه.
افغان لوبډله خپله دویمه لوبه د چهارشنبې په ورځ د سریلانکا د لوبډلې پر وړاندې ترسره کوي.
نړۍوال فدراسیون هم د افغانستان د کېکبوکسېنګ فدراسیون د غړیتوب خبرې پخلی کړی او محمدشېر هاشمي د افغانستان د کېکبوکسېنګ فدراسیون د رسمي استازي په توګه معرفي شوی دی.
د ورزش ادارې په یوه خبرپاڼه کې لیکلي، دغه لاسته راوړنه په داسې حال کې ترلاسه شوې چې د افغانستان د کېکبوکسېنګ فدراسیون له تېرو څه باندې شلو کلونو راهیسې د نړۍوال فدراسیون له رسمي غړیتوب څخه بېبرخې و؛ هغه ستونزه چې د یادې برخې ورزشکارانو ته یې ګڼې ننګونې راولاړې کړې وې.
د دغه غړیتوب نشتوالی تل په نړۍوالو سیالیو کې د افغان ورزشکارانو د ګډون پر وړاندې جدي خنډ و، چې د سفر محدودیتونو او د مالي سرچینو نشتوالي په څېر ستونزو لامل شوی و.
