د بغلان په مرکزي ولسوالۍ کې د هېواد د پنځو ولایتونو د وزلوبې سیالۍ ترسره شوې. په دې سیالیو کې د بدخشان، تخار، کندوز، سمنګان او بغلان شاوخوا ۱۰۰ پهلوانانو د دوو ورځو لپاره له یو بل سره سیالۍ وکړې.
د سیالیو پر مهال پهلوانانو هڅه کوله، چې د خپلو مهارتونو او وړتیاوو په نندارې کولو سره بریا خپله کړي او غوره کسانو وکولای شول بېلابېل مقامونه هم ترلاسه کړي.
د سیالیو لوبڅار په وروستۍ نېمه کې پهلوان صدرالحق لومړی، پهلوان رامین دویم او پهلوان صفت درېیم ګټونکي اعلان کړل.
یادو کسانو د اړوندو ادارو له لوري جایزې هم تر لاسه کړې.
نړۍوال فدراسیون هم د افغانستان د کېکبوکسېنګ فدراسیون د غړیتوب خبرې پخلی کړی او محمدشېر هاشمي د افغانستان د کېکبوکسېنګ فدراسیون د رسمي استازي په توګه معرفي شوی دی.
د ورزش ادارې په یوه خبرپاڼه کې لیکلي، دغه لاسته راوړنه په داسې حال کې ترلاسه شوې چې د افغانستان د کېکبوکسېنګ فدراسیون له تېرو څه باندې شلو کلونو راهیسې د نړۍوال فدراسیون له رسمي غړیتوب څخه بېبرخې و؛ هغه ستونزه چې د یادې برخې ورزشکارانو ته یې ګڼې ننګونې راولاړې کړې وې.
د دغه غړیتوب نشتوالی تل په نړۍوالو سیالیو کې د افغان ورزشکارانو د ګډون پر وړاندې جدي خنډ و، چې د سفر محدودیتونو او د مالي سرچینو نشتوالي په څېر ستونزو لامل شوی و.
