په هالنډ کې یوه افغانه د ښاروالۍ شورا ته نومانده شوه

د طالبانو د امربالمعروف او نهې عن المنکر وزارت د سې‌شنبې په ورځ (د مرغومي ۲۳مه) د یوې خبرپاڼې په خپرولو سره ویلي، چې په کندوز کې یې هغه کس نیولی، چې له تېرو څلورو کلونو راهیسې یې د غیر شرعي اعمالو په ترسره کولو له خلکو پيسې اخیستې. طالبانو زیاته کړې، چې له نیول شوي کس څخه یې د جادو اړوند ځينې وسایل هم ترلاسه کړي دي.

طالبانو زیاته کړې، چې د بلخ په شولګره ولسوالۍ کې یې یو بل کس هم د ورته چارې د ترسره کولو په تړاو نیولی دی.

امربالمعروف وزارت دا هم ویلي، چې له لومړنیو څېړونو وروسته به د دوی دوسیې قضايي ادارو ته وسپارل شي.

د طالبانو د کانونو او پټرولیم وزارت د سې‌شنبې په ورځ (د مرغومي ۲۳مه) ویلي، چې دغه داوطلبي د کانونو د څارنې پلاوي، سیمه ييزو چارواکو او خصوصي سکټور د استازو په حضور کې تر سره شوې ده. طالبانو تر دې مخکې هم په پنجشېر کې د بولۍ له لارې د هېواد پر سوداګرو زرګونه قیراطه زمرد پلورلي دي.

طالبانو له کانونو د عوایدو د زیاتوالي او پانګوالو ته د لا زیاتو فرصتونو د برابرولو لپاره مهم ګام یاد کړی دی.

پر طالبانو نیوکه ده، چې د کاني سیمو اوسېدونکو ته د ژوند د هېڅ راز امکاناتو له برابرولو پرته د کانونو ټول عواید مخامخ خپلې خزانې ته لېږدوي. د طالبانو د همدې چارې له امله همدا څو ورځې مخکې په تخار او بدخشان کې خلکو اعتراض کړی و، خو دغه اعتراض هم د طالبانو له لوري وځپل شو.

د طالبانو د چاپیریال ساتنې ادارې د سې‌شنبې په ورځ (د مرغومي ۲۳مه) د یوې خبرپاڼې په خپرولو سره ویلي، چې دا هڅه یې د طبیعي ځنګلونو د ایکو سیستمونو د تقویې او طبیعت د ښکلا په موخه کړې ده.

دغې ادارې زياته کړې: «موږ دا کار د طبیعي ځنګلونو د ایکو سیستمونو د تقويې، د طبیعت د تعادل ساتلو، د ځنګلي حشراتو او افاتو د کنټرول او غذایي ځنځیر د تقویې په موخه کړی دی».

طالبانو د خپل مشر هبت‌الله د یوه فرمان له‌مخې، په ټول هېواد کې د حیواناتو او مرغانو پر ښکار بندیز لګولی او خبرداری یې ورکړی، چې له سرغړونکو سره به جدي چلند کېږي.

د کابل ولایت لپاره د طالبانو د رسنیو دفتر د سې‌شنبې په ورځ (د مرغومي ۲۳مه) د یوې خبرپاڼې په خپرولو سره ویلي، عبدالحکیم شرعي په دې ناسته کې د ځمکو د غصب د مخنیوي، د ادارو ترمنځ د همغږۍ او د غاصبینو او زورواکو پر وړاندې د قاطع اقداماتو په اړه خبرې کړي.

نوموړي ټینګار کړی، چې د ځمکو د غصب په مخنیوي سره باید د خلکو مشروع حقونه خوندي شي.

په دې ناسته کې د کابل ولایت لپاره د طالبانو والي امین‌الله عبید ویلي، چې واک ته د دوی له رسېدو را وروسته په مرکز کې زرګونه جریبه ځمکه له غاصبینو خلاصه شوې او دا مهال یې د دولتي پروژو د تطبیق لپاره خپلې ادارې ته په واک کې ورکړې دي.

یو شمېر هېوادوال وايي، که طالبان له شخصي سلیقو او عقدو پرته دغه چاره ترسره کوي دا به هم د خلکو او هم به د هېواد په ګټه وي؛ خو وېره دا ده، چې همدا اوس طالب چارواکو هم د ځمکو غصب ته ملا تړلې او پر غصب شویو ځمکو د دیني مدرسو تر څنګ سترې ودانۍ او سوداګریز مارکیټونه جوړوي.

د امریکا د مرکزي قومندانۍ د معلوماتو پر بنسټ، دا مرکز چې نوم یې «د منځني ختیځ ګډ د هوايي دفاع د عملیاتو مرکز» دی په قطر کې جوړ شوی او په‌کې د امریکا او په سیمه کې یې د شریکانو ځواکونه حضور لري.

دغه مرکز د جنورۍ له دولسمې خپل فعالیت پیل کړی دی.

سینټکام ویلي، چې دا نوی جوړښت به د سیمې د ځواکونو تر منځ د هوايي او توغندیز دفاع په برخه کې همغږي او یووالی پیاوړی کړي او د معلوماتو د تبادلې، د ګواښونو د خبرداري او د څو‌ ملیتی تمرینونو او عملیاتو د پلان جوړولو زمینه برابره کړي.

په قطر کې د ګډو هوايي عملیاتو مرکز چې ۲۰ کاله مخکې جوړ شوی دمګړۍ د اوولسو هېوادونو پوځيان په‌کې حضور لري.

د سنټکام قومندان براډ کوپر دا اقدام د سیمه ییزې دفاعي همکارۍ د پیاوړتیا پر لور یو مهم ګام وباله او ویې ویل، چې نوی مرکز به د سیمه‌ییزو ځواکونو د هوایي او توغندیو د دفاع په برخه کې د مسوولیتونو د همغږۍ او شریکولو بهیر لاپسې پیاوړی کړي.

له دې سره سم، د امریکا د مرکزي هوايي ځواکونو قومندان ډرَک فرانس ټینګار کړی، چې دغه مرکز به د امریکا او سیمه‌ییزو شریکانو ترمنځ د ګډ کار لپاره یو دایمي پلاتفورم رامنځته کړي او په ټوله سیمه کې د یو موټي هوايي او توغندیز دفاعي سیستم په پیاوړتیا کې مرسته وکړي.