د خیبرپښتونخوا سر وزیر سهیل اپریدي تر څرګندونو وروسته علي امین ګنډاپور ویلي، چې د پاکستان پر ضد د ترهګرۍ لپاره د افغانستان د خاورې کارولو په اړه «روښانه او مستند شواهد» موجود دي.
نوموړي له پاکستانۍ رسنۍ سره په مرکه کې ويلي، د خیبر پښتونخوا پخواني سر وزیر په توګه دا تاییدوي چې هم صوبایي او هم فدرالي حکومتونه داسې کره اسناد لري چې د تحریک طالبان پاکستان (ټيټيپي) وسلهواله ډله له افغانستان نه په ځانګړي ډول په خیبرپښتونخوا کې «ترهګریز فعالیتونه» ترسره کوي.
ګنډاپور ادعا کړې، چې دغه فعالیتونه د افغان حکومت او د طالبانو د ادارې له خبرتیا سره او د هغوی په ملاتړ روان دي او په خیبرپښتونخوا کې د ګڼو ترهګریزو پېښو پر مهال افغان وګړي ښکېل وو او په یو شمېر پېښو کې نیول شوي هم دي.
دا په داسې حال کې ده، چې تر دې وړاندې د خیبرپښتونخوا اوسني سر وزیر سهیل اپریدي ویلي و، دولت باید د دغه ادعا لپاره کره شواهد وړاندې کړي چې د افغانستان خاوره د پاکستان پر ضد د ترهګرۍ لپاره کارول کېږي. هغه ویلي و، چې افغانستان له نورو هېوادونو سره هم پولې لري؛ خو هغوی کله هم شکایت نهدی کړی، نو اسلاماباد ولې شکایت کوي چې له افغانستان نه ترهګري کېږي.
