د طالبانو د عدلیې وزیر: ټولې سیاسي او ژبنۍ دوښمنۍ مو ختمې کړې دي او اوس د خدمت وخت دی

د افغانستان د رسنیو ملاتړ سازمان په پاکستان کې د افغان خبریالانو نیول او په زور اخراج ته سخت غبرګون ښودلی دی.

یاد سازمان ویلي، چې په روانه اوونۍ کې درې افغان خبریالان د پاکستان په بېلابېلو ښارونو کې نیول شوي دي.

امسو ویلي، چې په تازه پېښه کې د پېښور پولیسو عبدالرحمان منګل نیولي دی او تر دې وړاندې یې د اسما محمدي او صمیم محمدي په نوم خبریالان نیولي وو.

امسو ویلي، چې افغان خبریالان د امنیتي ګواښونو له امله له افغانستان څخه وتلي او په پاکستان کې مېشت شوي دي، خو اوس په پاکستان کې هم خوندي نه دي.

امسو زیاته کړې: «د هغوی نیول نه یوازې د انساني او حقوقي موازینو خلاف عمل دی، بلکې د خبریالانو ژوند او خوندیتوب له جدي ګواښ سره مخامخ کوي».

د افغانستان د رسنیو ملاتړ سازمان د پاکستاان له حکومت او اړوند امنیتي بنسټونو څخه غوښتنه کړې، چې نیول شوي خبریالان له ځنډ او شرط پرته خوشې او د افغان خبریالانو له ځورونې، نیولو او جبري اخراج څخه ډډه او د نړۍوالو بشري حقونو، د کډوالو د حقونو او د بیان ازادۍ اصولو ته درناوی وکړي.

پر همدغه مهال یاد سازمان له ملګرو ملتونو، د خبریالانو د ملاتړ کوونکو نړۍوالو بنسټونو، د بشري حقونو سازمانونو او ډیپلوماتیکو استازولیو غوښتنه کړي، چې د یادې موضوع جدي څارنه وکړي او د افغان خبریالانو د خوندیتوب لپاره عملي او بېړني ګامونه واخلي.

تر دې وړاندې هم یو شمېر هندي پانګه‌والو لېوالتیا ښودلې وه، چې په افغانستان کې به د درملو د تولید کارخونو په برخه کې پانګونه کوي؛ خو لا په عملي توګه د دغو هڅو کوم څرک نه دی لیدلی شوی. هم‌مهاله د طالبانو د ریاست الوزرا اقتصادي مرستیال ملا عبدالغني برادر په افغانستان کې له پاکستان څخه د درملو واردوونکو شرکتونو ته خبرداری ورکړی، چې له یاد هېواد سره په دې برخه کې خپلې اړیکې پرې کړي.

هغه ویلي وو، د پاکستاني درملو کیفیت خورا کمزوری دی او باید د ۳میاشتو په اوږدو کې ټول واردوونکي افغان شرکتونه له پاکستاني لوریو سره خپلې معاملې تصفیه کړي او د درملو واردولو لپاره دې پر بدیلو لارو چارو باندې فکر وکړي. د درملو واردونکي شرکتونه وایي، په ناڅاپي توګه د طالبانو دغه پرېکړې له سختو ننګونو سره مخ کړي او نه‌شي کولای چې ارزانه بدیلې لارې ژر ومومي.

د طالبانو له دې پرېکړې سره د افغانستان په بېلابېلو ولایتونو کې خلک د درملو له کمښت سره مخ شوي او همداراز په بیو کې یې هم د پام وړ لوړوالی راغلی دی.

د طالبانو تر واک لاندې باختر اژانس د ننګرهار د امنیه قوماندانۍ له قوله راپور ورکړی، چې په تېره یوه اوونۍ کې د نشه‌يي توکو د پېر، پلور او قاچاق په تور ۳۰ کسان نیول شوي دي.

طالبانو ویلي، چې د نشه‌يي توکو پروړاندې د مبارزې عملیاتو په ترڅ کې له نیول شویو کسانو سره د بېلابېلو ډولونو نشه‌يي توکي او وسایط هم نیولي دي.

په راپور کې ویل شوي، چې له یادو کسانو سره ۱۳۹ ګرامه شیشه، ۱۷،۲۲۷ کیلوګرامه چرس، ۱۶ ګرامه هیروین، ۵۵۰۱ دانې زېکپ ګولۍ، ۵۳۳ دانې ټابلیټ کا ګولۍ او درې عرادې موټر هم کشف او ضبط شوي دي.

طالبانو تر دې وړاندې هم په نورو ولایتونو کې د نشه‌يي توکو د پېر، پلور او قاچاق په تور ګڼ کسان نیولي دي، خو لا هم طالبان په بشپړه توګه په دې نه دې توانېدلي، چې د نشه‌يي توکو کاروبار په بشپړه توګه بند کړي.

مولوي حيات الله مهاجر فراهي زیاته کړې، دا صف به د یوه «امیرالمؤمنین» تر مشرتابه لاندې متحد پاتې شي او د هېواد د پرمختګ لپاره کار وکړي.

دا څرګندونې په داسې حال کې دي چې د طالبانو ویاند ددې ډلې په لیکو کې د اختلاف په اړه ویلي، چې دغه ادعاوې حقیقت نه لري. هغه ټینګار کړی چې د دوی په اداره کې ټول فعالیتونه د اسلامي شریعت له مخې کېږي او د اختلاف لپاره هیڅ ځای نشته.

ذبیح الله مجاهد زیاته کړې، چې «د مشرانو له خوا د اتحاد او اتفاق په اهمیت خبرې کول یا هغه واړه موضوعات چې نظرونه پکې متفاوت وي، دا هېڅکله د اختلاف معنا نه لري».

هغه زیاته کړې چې د دوی په لیکو کې کلک وحدت، اطاعت او یووالی شته او د اختلاف هېڅ ویره نشته.

بي بي سي په یوه رپوټ کې ویلي، چې د طالبانو په لیکو کې پر مختلفو مسایلو اختلاف دی.

په تېر یوه کال کې افغانستان انټرنشنل د مختلفو باوري سرچینو، اسنادو او غږیزو کلیپونو له لارې د طالبانو ترمنځ د اختلافاتو په اړه ځانګړي رپوټونه ور کړي وو، خو طالبان معمولا په خپلو لیکو د اختلاف خبرونه ردوي.

په فاریاب کې د طالبانو د امنیه قوماندانۍ د معلوماتو له مخې، دا پېښه نن له غرمې مخکې شاوخوا ۱۱بجې د قیصار ولسوالۍ په یوه کنډواله سیمه کې شوې ده.

سرچینه وایي، قربانیان د قیصار ولسوالۍ د طوی ‌مست کلي اوسېدونکي وو، چې د بوري کلي پر لور د تګ پر مهال یې د راکټ ناچاودې مرمۍ ته لاس ور وړی دی.

یاده امنیه قومانداني زیاتوي چې یوه ماشوم د پېښې په ځای کې خپل ژوند له لاسه ورکړی و، او بل ماشوم روغتون ته د لېږد پر مهال سا ورکړې ده. همداراز د یادې پېښې له امله یوه ښځه او بل ماشوم ټپیان شوي دي.

افغانستان د څو لسیزو جګړو له امله لا هم د ناچاوده توکو له جدي ګواښ سره مخ دی.

د بېلابېلو نړیوالو بنسټونو د راپورونو له مخې، په هېواد کې زرګونه ناچاوده ماینونه او جګړه‌ییز مهمات پراته دي چې هر کال یې لسګونه ماشومان او ملکي وګړي قرباني کېږي.