د امریکا د قلم ټولنې په ایران کې د بندیانو پر وړاندې د ګواښونو په اړه خبرداری ورکړ

د امریکا د قلم ټولنې د سیاسي او مذهبي بندیانو پر وړاندې د ګواښونو په اړه خبرداری ورکړ.
په دې لیک کې ویل شوي: «د انټرنټ د بندېدو او د حکومتي تاوتریخوالي لهخوا د اعتراضونو د ځپلو په ترڅ کې چې په ټول ایران کې یې زرګونه معترضان په نښه کړي، د امریکا د قلم ټولنه له #FreeNarges اېتلاف او له ۳۰ څخه ډېرو نورو سازمانونو سره یو ځای شوې، څو د بندي لیکوالانو، خبریالانو او د بشري حقونو د مدافعینو پر وړاندې د جدي ګواښونو په اړه خبرداری ورکړي».
دې ټولنې د خپل لیک په دوام کې زیاته کړې ده: «موږ ټینګار کوو چې په ایران کې د هغو کسانو ژوند او امنیت چې په توقیف کې تر ټولو زیانمن دی، باید له پامه ونه غورځول شي».
پن امریکا غوښتنه کړې، ټول هغه کسان دې خوشې شي چې یوازې د خپلو نظرونو د څرګندولو له امله ناحق بنديان شوي دي، خلکو ته دې د انټرنټ او مخابراتي خدماتو بشپړ او پرته له محدوديته لاسرسی ورکړل شي او د ایراني چارواکو لهخوا د بشري حقونو د جدي سرغړونو په اړه دې خپلواکې څېړنې ترسره شي.
