د افغانستان د نولس کلنو کم عمره کرېکټ ملي لوبډله به سبا د نولس کلنو کم عمره کرېکټ نړۍوال جام سیالیو کې د سوېلي افریقا د لوبډلې پر وړاندې د سیالۍ ډګر ته ښکته شي.
د نولس کلنو کم عمره کرېکټ نړۍوال جام سیالۍ نن پیل شوې او د افغانستان د نولس کلنو کم عمره لوبډله سبا خپله لومړۍ لوبه د سوېلي افریقا د نولس کلنو کم عمره لوبډلې پروړاندې ترسره کوي.
یاده لوبه سبا د جمعې په ورځ د افغانستان پر وخت د غرمې پر ۱۲ بجو ترسره کېږي.
د افغانستان کرېکټ بورډ د یاد نړۍوال جام لپاره څو ورځې وړاندې لوبډله اعلان کړې وه او د نړۍوال جام څخه وړاندې یې د ځینو هېوادونو له نولس کلنو کم عمره لوبډلو سره تمریناتي سیالۍ هم ترسره کړې دي.
