د پاکستان د لومړي وزیر سلاکار رانا ثناالله ویلي، چې د دغه هېواد په پارلمان کې د حکومت د اپوزېسیون مشرۍ لپاره د پښتونخوا د عوامي ګوند مشر محمود خان اڅکزي د ټاکل کېدو پرېکړه وروستۍ شوې ده. هغه وایي، نن جمعه (د مرغومي ۲۶مه) به نوموړی په رسمي توګه د اپوزېسیون مشر اعلان شي.
محمود خان اڅکزی د پخواني لومړي وزیر عمران خان د ګوند تحریک انصاف له لوري د اپوزېسیون مشرۍ ته نوماند شوی دی، چې د پارلمان له لوري د نوماندۍ شرایط څېړل شوي او نن یې په رسمي توګه دا مشري اعلانېږي. اڅکزي له یو شمېر ګوندونو سره په ګډه د شهباز شریف د واکمن حکومت مخالفت پیل کړی او د عمران خان له لوري اپوزېسیون ته د هغه د نوماندۍ مساله جنجالي شوې هم وه.
د تحریک انصاف ګوند ځینو غړو د دغې پرېکړې هرکلی کړی او ټینګار یې کړی، چې اڅکزی باید د راتلونکو پړاوونو د بشپړولو لپاره په زندان کې له عمران خان سره وګوري.
