عراقچي او د شانګهای د همکارۍ سازمان سرمنشي په ایران کې د وروستیو پېښو په تړاو خبرې وکړې

د راپورونو له مخې، په دغه پوهنتون کې له ۵۰ منل شویو زده‌کوونکو څخه لږ تر لږه ۴۲تنه کشمیر مېشتي مسلمانان، اووه هندوان او یو سک وو. د همدې شمېرې له خپرېدو وروسته، د سیمې ځینو هندو مذهبه ډلو اعتراضونه پیل کړل.

د هند د طبي ملي کمېسیون، چې د فدرالي حکومت د طبي زده‌کړو او روغتیايي چارو تر ټولو مهم څارونکی ارګان بلل کېږي، د یاد پوهنتون د فعالیت جواز لغوه کړ. د کمېسیون په وینا، دغه پوهنتون د تېر نومبر په میاشت کې د طب پنځه کلن تعلیمي پروګرام پیل کړی و.

په هند کې دولتي او خصوصي طبي پوهنتونونو ته د محصلانو جذب د ملي ازموینې «نیت» له لارې کېږي. هر کال له دوو میلیونو ډېر زده‌کوونکي د شاوخوا ۱۲۰زره د طب د لیسانس څوکيو لپاره سیالي کوي. ډېری سیالي کوونکي د لږ لګښت له امله دولتي پوهنتونونه غوره ګڼي، خو هغه کسان چې د منلو حد اقل نومرې ترلاسه کړي، خصوصي مرکزونو ته ورپېژندل کېږي.

یاد طبي پوهنتون د یوه هندو مذهبي خیریه بنسټ له لوري جوړ شوی او تر یوه بریده د حکومت له مالي ملاتړه هم برخمن دی.

په تېرو نږدې دوو میاشتو کې، ډېری هندو زده‌کوونکو او د سیمې اوسېدونکو اعتراضونه وکړل او ادعا یې کوله چې دا مرکز د «ماتا ویشنو دیوي» له هندو معبد څخه مالي ملاتړ ترلاسه کوي او مسلمانان پکې «د حضور حق نه لري.»

خو د هند طبي ملي کمېسیون ویلي چې د دې مرکز تړل کېدل د «معیاري غوښتنو» د نه پوره کېدو له امله دي.

د روسیې د فدرالي امنیت ادارې (ایف ایس بي) چې د پخواني شوروي د کې‌جي‌بي اصلي وارث بلل کېږي، ویلي چې یاد ډیپلومات ګرت سمویل ډېوېس نومېږي او په مسکو کې د بریتانیا په سفارت کې یې د دویم سکرتر په توګه دنده ترسره کوله.

د روسیې د فدارلي خدمتونو ادارې په وینا، هغه د بریتانیا د استخباراتي ادارو لپاره په پټه کار کاوه.

روسي رسنیو د یاد ډیپلومات انځورونه هم خپاره کړي او چارواکو ویلي چې هغه ته دوه اونۍ وخت ورکړل شوی چې روسیه پرېږدي.

په ورته مهال، د روسیې د بهرنیو چارو وزارت په مسکو کې د بریتانیا د سفارت سرپرسته دانای دهولاکیا احضار کړې او د دې موضوع په تړاو یې ورته رسمي احتجاج وړاندې کړی دی.

بل خوا، لندن پر یاد ډیپلوماټ لګېدلي تورونه بې بنسټه بللي او ویلي یې دي چې دا ډول ادعاوې د سفارتونو د عادي فعالیت لپاره اړینې بنسټیزې فضا ته زیان رسوي. بریتانیا زیاته کړې چې د دې اقدام په اړه د غبرګون پر څرنګوالي غور کوي.

د هوا پېژندنې نړۍوال سازمان د چهارشنبې په ورځ (د مرغومي ۲۴مه) په یوه تازه راپور کې ویلي، تېر ۱۱ کاله (۲۰۱۵ تر ۲۰۲۵) تر ټولو ګرم کلونه و او د سمندر تودوخه لا هم مخ په لوړېدو ده.

دغه سازمان چې یاد راپور یې د اتو سرچینو له ګډ تحلیل څخه جوړ کړی زیاته کړې، د ۱۹۸۱- ۲۰۱۰ پر تله د ۲۰۲۵ کال د سمندر د سطحې د منځنۍ کچې تودوخې په کچه کې صفر اعشاریه ۴۹ سلنه لوړوالی راغلی دی.

د هوا پوهنې نړۍوال سازمان سرمنشي سیلېسټ ساولو وايي: «۲۰۲۵کال د لا نینیا د یخوالي په حالت کې پیل او پای ته ورسېد، خو بیا هم د نړۍ له تر ټولو ګرمو کلونو څخه و، ځکه چې په فضا کې د تودوخې ساتونکو ګازو کچه ډېره لوړه شوې. د ځمکې او سمندرونو لوړې تودوخې د سختو موسمي پېښو لکه ګرمې څپې، شدید بارانونه او قوي توپانونه پیاوړي کړل چې دا د مخکېنۍ خبرتیا سیسټمونو اړتیا لا روښانه کوي».

په یوې جلا څېړنه کې راغلي، چې په ۲۰۲۵ کال کې د سمندرونو د تودوخې کچه هم د تاریخ په اوږدو کې تر ټولو لوړې کچې ته رسېدلې او دا د اقلیم په سیستم کې د اوږدمهاله تودوخې د راټولېدو ښکارندويي کوي.

د دغې څېړنې له‌مخې، د نړۍ له سمندري سیمو شاوخوا ۳۳ سلنه یې د خپل تاریخ په اوږدو کې ۳ وروستي کلونه ډېرې ګرمې تېرې کړې دي.

د راپور له‌مخې، د تېلو یاده معامله وروسته له هغې وشوه چې د امریکا ولسمشر ویلي و، چې د ونزوېلا له ۳۰ څخه تر ۵۰ میلیونو بېرلو تېلو څخه به چې مخکې د امریکا د بندیزونو له امله په دې هېواد کې بند پاتې وو، تصفیه او بازار ته وړاندې شي.

د امریکا د انرژۍ وزیر کریس رایټ ویلي، چې د تېلو پلور به د امریکا تر څار لاندې ترسره کېږي او ترلاسه شوې پیسې به په هغو حسابونو کې جمع شي چې کنټرول یې د امریکا په لاس کې دی.

د سپینۍ ماڼۍ ویاند فاکس‌نیوز ته ویلي: «ولسمشر ټرمپ له ونزوېلا سره یو د انرژۍ تاریخي تړون رامنځته کړ چې د امریکا او ونزوېلا خلکو لپاره به ګټور ثابت شي».

همدارنګه سپنې ماڼۍ ویلي، تمه کېږي چې په نږدې ورځو او اوونیو کې به د ونزوېلا د تېلو نورې معاملې هم ترسره شي.

ناسا ویلي، چې د Crew-11 ماموریت څلور غړي به د پنجشنبې په ورځ په ارام سمندر کې ځمکې ته راکښته شي او د یاد ماموریت درې تنه نور غړي به د مداري لابراتوار د عملیاتو د ساتنې په موخه په نړۍوال فضايي سټېشن کې پاتې شي.

ناسا ویلي، چې د یوه ستورمزلي د جدي روغتیايي وضعیت له امله یاد څلور ستور مزلي بېرته ځمکې ته ستنېږي. یادې ادارې د ناروغ شوي ستورمزلي هویت نه‌دی په ډاګه کړی، خو وايي چې ناروغ ستورمزلی تر روغتیايي پاملرنې لاندې په ثابت حالت کې دی.

د راپورونو له‌مخې، له وخت مخکې د نړۍوال فضايي سټېشن ماموریت پرېښودل به یاد د سټېشن علمي او عملیاتي پروګرام له ځنډ سره مخ کړي.

کارپوهانو ویلي، هغه فضایي ګرځېدنه (Spacewalk) چې د نړۍوال فضایي سټېشن په بهرنۍ برخه کې د برېښنا د تولید لپاره د نویو لمریزو پنلونو د نصب په موخه پلان شوې وه، تر نامعلومې مودې وځنډېږي. خو ناسا ویلي، چې دا ځنډ به دا مهال هېڅ بېړنۍ ستونزه رامنځته نه کړي، ځکه سټېشن د بنسټیزو عملیاتو لپاره کافي برېښنا لري.

پر همدغه مهال د ناسا مرستیال مدیر امېت کشتریایا ویلي، چې په نړۍوال فضايي سټېشن کې پاتې عمله د ځینو عادي عملیاتو د ترسره کولو وړتیا لري، خو ښايي ځیني عملیاتونه ترې پاتې شي.

په ورته مهال، پخواني ستورمزلي ګارېټ رېزمن خبرداری ورکړی چې په نړۍوال فضايي سټېشن کې د یوازې درېیو ستورمزلو شتون ښايي ګواښونه زیات کړي. نوموړي ویلي: «که د سټېشن په بهرنۍ برخه کې کومه ستونزه را پیدا شي، نو دا درې کسان د داسې ستونزې د حل لپاره کافي نه دي».

د راپورونو له‌مخې، ناسا هڅه کوي چې نړۍوال فضايي سټېشن ماموریت لپاره د ستورمزلو د کمښت د ستونزې د هوارۍ لپاره د Crew-12 عمله نړۍوال فضايي سټېشن ته واستوي او تمه کېده چې دغې عملې د روان کال په فبرورۍ میاشت کې خپل سفر پیل کړی وای.