• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

د نړۍ هېوادونه باید پر ایراني چارواکو فشار زیات کړي او د لاریونوالو د وژنو مخه ونیسي

۲۶ مرغومی ۱۴۰۴ - ۱۶ جنوری ۲۰۲۶، ۰۰:۱۷ GMT+۰

د بښنې نړۍوال سازمان د دې په اعلان سره چې ایراني چارواکو د وروستیو اعتراضونو د ځپلو لپاره «بې‌ساری او خونړی اقدام» کړی، د دې چارواکو د حساب ورکولو لپاره یې یو غوښتنلیک خپور کړی دی.

د بشري حقونو یاد سازمان د پنجشنبې په ورځ (د مرغومي ۲۵مه) نړۍوالو ته په خطاب کې ولیکل، چې د دې غوښتنلیک په لاسلیک کولو سره «د ملګرو ملتونو له غړو هېوادونو وغواړئ چې پر ایراني چارواکو فشار راوړي څو په ایران کې د لاریونوالو پر وړاندې روانه وینه‌بهېدل سمدستي ودروي او مسوول چارواکي حساب‌ورکولو ته اړ کړي».
د بښنې نړۍوال سازمان زیاته کړه، چې ایراني چارواکو د اعتراضونو د ماتولو لپاره چې د جمهوریتي نظام د نسکورېدو په هدف ترسره کېدل، بې‌سارې او مرګونکې ځپنه پیل کړې ده.
په دې بیان کې راغلي: «امنیتي ځواکونو د وژونکي ځواک په غېرقانوني کارولو سره پراخې وژنې او ټپي کېدل رامنځته کړې دي. چارواکو د انټرنټ بشپړ لاسرسی پرې کړی، ترڅو خپل جنایتونه پټ کړي. له نړۍوالې ټولنې وغواړئ چې د ایران د لاریونوالو د نورو وژنو د مخنیوي لپاره سمدستي اقدام وکړي».
د بشري حقونو دغه سازمان ټینګار کړی، چې مستند کړي یې دي چې «امنیتي ځواکونو په ځلونو او په غېرقانوني ډول د ټوپکونو او د فلزي ګولیو لرونکو شاټګنونو په کارولو سره پر بې‌وسلې لاریونوالو ډزې کړې دي».
همداراز د بښنې د نړۍوال سازمان په لیکنه کې راغلي: «د درملنې مرکزونه له ټپیانو ډک شوي او خپه کورنۍ د خپلو ورک شویو عزیزانو د موندلو لپاره سړې‌خونې، روغتونونه او ان له مړو ډک انبارونه او کانټینرونه لټولي دي».
دې سازمان خبرداری ورکړی، چې نیول شوي کسان له شکنجې، ناوړه چلند او همداراز د اعدام له ګواښ سره هم مخامخ دي.
د بشري حقونو دغه بنسټ د ملګرو ملتونو له غړو هېوادونو وغوښتل، چې «د لاریونوالو د نورو وژنو د مخنیوي لپاره سمدستي ډیپلوماتیک اقدامات ترسره کړي او له هغه جوړښتي مصوونیت سره مقابله وکړي چې د دې وینې‌بهېدو عامل دی».
د بښنې نړۍوال سازمان د لیکنې پربنسټ، دې اقداماتو کې د ملګرو ملتونو د بشري حقونو شورا او د امنیت شورا کې ځانګړې غونډې جوړول شامل دي، ترڅو د نورو وژنو مخنیوی وشي او د نړۍوال عدلي عدالت د تعقیب لارې چارې عملي شي؛ له دې جملې د ایران دوسیه نړۍوالې جزایي محکمې ته سپارل دي.
دا په داسې حال کې ده، چې مخکې هم د بښنې نړۍوال سازمان او د بشري حقونو د څار سازمان په یوه ګډ بیان کې د ډسمبر له ۲۸مې راهیسې په ایران کې د لاریونوالو پر ځپنې اعتراض کړی و او دغه راز یې ویلي و، چې امنیتي ځواکونو د سوله‌ییزو لاریونوالو د خورولو، وېرولو او سزا ورکولو لپاره په غېرقانوني ډول ځواک، ډزې او پراخې خپل‌سرې نیونې کارولي دي.

ډېر لیدل شوي

سرچینې: د طالبانو د بهرنیو چارو وزارت جرمني ته څلور نور ډېپلوماټان لېږي
۱
ځانګړی

سرچینې: د طالبانو د بهرنیو چارو وزارت جرمني ته څلور نور ډېپلوماټان لېږي

۲

د تېلو تور بازار؛ ایران څه ډول له طالبانو سره په همکارۍ بندیزونه ماتوي؟

۳

انتونیو ګوترېش: د اقلیمي بدلونونو حقیقت به د چا د خوښې لپاره بدل نه‌کړم

۴
ځانګړی

طالبانو د خوست له سرحدي سیمو د وزیرستاني کډوالو شاوخوا ۱۲۰۰ کورنۍ نورو سیمو ته ولېږدولې

۵
ځانګړی

زرمینه: د طالبانو په لومړۍ واکمنۍ کې مې مور او اوس زه او لور مې له زده‌کړو محرومې یو