رويټرز خبري اژانس په خپل راپور کې د افغانستان کرېکټ بورډ لهخوا نوی تصويب شوی قانون څېړلی، چې له مخې يې په بهرنيو سوداګریزو ليګونو کې د لوبغاړو د ګډون شمېر محدود شوی. په راپور کې همدارنګه د نړۍ په نورو هېوادونو کې د ورته قوانينو جاج هم اخېستل شوی.
دغه قانون مسلکي لوبغاړي مکلفوي، چې پر ملي سياليو ډېر تمرکز ولري. د افغانستان کرېکټ بورډ د اعلان له مخې؛ د هېواد ملي لوبغاړي به له دې وروسته په يو کال کې يوازې په درېیو بهرنيو سوداګریزو ليګونو کې د لوبېدو اجازه ولري.
د نوې پاليسۍ له مخې؛ هغه لوبغاړي چې له افغانستان کرېکټ بورډ سره مرکزي قرارداد لري، د کورني ليګ له جبري ګډون سربېره کولای شي په کال کې په درېيو بهرنيو سوداګریزو ليګونو کې هم برخه واخلي. کرېکټ بورډ وايي، د دغه قانون موخه د لوبغاړو د بدني چمتووالي ساتنه، د رواني سلامتيا خوندي کول او د سياليو د فشار ښه مديريت دی؛ څو لوبغاړي وکولای شي د ملي لوبډلې سياليو ته په بشپړ تمرکز او امادګۍ سره حاضر شي.
د رويټرز د راپور له مخې؛ د افغانستان د کرېکټ وتلی ستوری راشد خان د هند، متحده عربي اماراتو، امريکا، سویلي افريقا او انګلستان په معتبرو ليګونو کې لوبېږي. د نوي قانون له مخې؛ هغه به په ۲۰۲۶کال کې يوازې په درېيو ليګونو کې د ګډون اجازه ولري.
همدارنګه نور احمد، مجيبالرحمان، رحمانالله ګربز، اللهمحمد غضنفر او يو شمېر نور افغان ملي لوبغاړي چې هر کال په څو نړۍوالو ليګونو کې برخه اخلي، هم د دغه قانون تر پوښښ لاندې راځي.
رويټرز زياتوي، چې ورته قانون په نورو هېوادونو کې هم پلي کېږي. په پاکستان کې هغه لوبغاړي چې مرکزي قرارداد لري، يوازې په دوو بهرنيو ليګونو کې د ګډون اجازه لري. په داسې حال کې چې په هند کې د مرکزي قرارداد لرونکي نارينه لوبغاړي په هېڅ بهرني ليګ کې د لوبېدو اجازه نهلري.
په تېرو ورځو کې د هرات په تمرینونو کې ایراني روزونکو او د لوبډلې درېیو لوبغاړو حضور نه لاره؛ خو کابل ته له ستنېدو سره افغان لوبډلې خپل تمرینونه یو ځل بیا پیل کړل. افغان لوبغاړي هم کابل ته تر ستنېدو وروسته د مینهوالو له تود هرکلي سره مخ شول.
د افغانستان د فوټسال ملي لوبډله چې له څو اونیو راهیسې یې د ایران په مشهد ښار کې خپل تمریني لوبې ترسره کولې، د ایران حکومت پر ضد د روانو ولسي اعتراضونو او کړکېچن امنیتي وضعیت له امله پرېکړه وکړه چې د چمتووالي او راتلونکو پروګرامونو د دوام لپاره بېرته افغانستان ته ستنه شي.
د اعلان شوي مهالوېش له مخې؛ د افغانستان د فوټسال ملي لوبډله به په کابل کې څو نورې تمریني لوبې هم ترسره کړي او تر دوو ورځو وروسته به د دوو دوستانه سیالیو د ترسراوي لپاره ویتنام ته سفر وکړي. دغه لوبډله به وروسته د دوو نورو لوبو لپاره ټایلنډ ته ولاړه شي او له هغې وروسته به اندونیزیا ته چې د ۲۰۲۶کال د اسیا د فوټسال جام کوربه هېواد دی، سفر وکړي.
ټاکل شوې، چې دغه روزونکي د وېسټانډیز پر وړاندې د ۲۰ اوریزو سیالیو له پیل مخکې د افغانستان د کرېکټ ملي لوبډلې سره یوځای شي. د کرېکټ بورډ د معلوماتو له مخې؛ ټابي رېډفورډ د انګلستان د کرېکټ بورډ د څلورمې کچې سند لري او دا مهال د بنګلهدېش غوره لیګ کې د ډهاکا کپېټلز لوبډلې د سر روزونکي په توګه دنده ترسره کوي.
نوموړي د ۲۰۲۲ او ۲۰۲۴کلونو ترمنځ د پاکستان کرېکټ بورډ کې د توپوهنې روزونکي په توګه کار کړی او دارنګه یې له ۲۰۲۰ تر ۲۰۲۲ کلونو پورې د بنګلهدېش کرېکټ بورډ د ظرفیت لوړونې څانګې مشري پر غاړه لرله. رېډفورډ د ۲۰۱۲کال نړۍوال جام پر مهال د وېسټانډیز لوبډلې د روزونکي تجربه هم لري.
رابرت اهمن چې د افغانستان کرېکټ بورډ له لوري بل ټاکل شوی روزونکی دی، هم د بدني چمتووالي متخصص دی. نوموړي پخوا د انګلستان او وېلز کرېکټ بورډ د کړنو د علومو او ورزشي طب څانګې د مشر په توګه دنده ترسره کړې او د انګلستان کرېکټ ملي لوبډلې کې یې د بدني چمتووالي او روغتیايي خدمتونو مسوولیت پر غاړه لاره.
د افغانستان کرېکټ بورډ په وینا؛ رابرت اهمن د ۲۰۱۷ او ۲۰۲۲ کلونو ترمنځ د انګلستان د کرېکټ لوبغاړو د پرمختیایي پروګرامونو برخه و او له وېلز پوهنتون څخه د ورزشي علومو او بدني تمریناتو د ماسټرۍ سند لري.
د افغانستان کرېکټ بورډ ټینګار کړی، سره له دې چې له دغه دواړو روزونکو سره هوکړه شوې؛ خو د ملي لوبډلې د سر روزونکي او د سپین بالرانو لپاره د توپاچونې د روزونکي بستونه لا هم تش دي او د وړ کسانو د جذب هڅې روانې دي.
د افغانستان د کرېکټ ملي لوبډله د وېسټانډیز پر وړاندې د درېیو نړۍوالو شل اوریزو لوبو د ترسره کولو لپاره چمتووالی نیسي. دغه سیالۍ به د جنورۍ په ۱۹مې، ۲۱مې او ۲۲مو نېټو د دوبۍ په ښار کې د افغانستان په کوربهتوب ترسره شي. له دغه سیالیو وروسته به د افغانستان ملي لوبډله د ۲۰۲۶کال شل اوریز نړۍوال جام کې د ګډون لپاره هند او سریلانکا ته سفر وکړي.
دغه لوبډله چې تر دې وړاندې یې د ایران په مشهد ښار کې روزنیز کمپ لاره، د یاد هېواد د حکومت پر وړاندې د ولسي اعتراضونو له پراخې څپې وروسته افغانستان ته ستنه شوه.
د افغانستان د فوټسال ملي لوبډله به د مهالوېش سره سم د څو ورځو لپاره په هرات ولایت کې تمرین وکړي او څو دوستانه سیالۍ به هم ترسره کړي. تر هغې وروسته به افغان لوبډله کابل ته ستنه شي؛ ترڅو بهرنیو سفرونو ته چمتووالی ونیسي.
د افغانستان د فوټبال فدراسیون دارنګه اعلان کړی، چې د ۲۰۲۶کال د اسیا جام له سیالیو وړاندې د چمتووالي سیالیو په لړ کې به ملي لوبډله د ویتنام ملي لوبډلې پر وړاندې دوه نورې لوبې هم ولري.
یاده لوبډله به د ۱۴۰۴کال (د مرغومي په ۲۶مه) ویتنام ته سفر وکړي او (د مرغومي په ۲۹مه) او د سلواغې په لومړۍ نېټه به د ویتنام د فوټسال ملي لوبډلې پر وړاندې دوه سیالۍ ترسره کړي.
د افغانستان فوټبال فدراسیون منلې، چې د افغانستان د فوټسال ملي لوبډله به د ۱۴۰۴کال د سلواغې په ۵مه نېټه اندونیزیا ته سفر وکړي؛ څو د ۲۰۲۶کال د اسیا جام فوټسال په سیالیو کې برخه واخلي. د دغه سیالیو وروستی پړاو به د ۱۴۰۴کال د سلواغې له ۷مې تر ۱۸مې نېټې پورې (د ۲۰۲۶کال د جنورۍ له ۲۷مې د فبرورۍ تر ۷مې نېټې) د اندونیزیا په کوربهتوب او د ۱۶ لوبډلو په ګډون ترسره شي.
د افغانستان د فوټسال ملي لوبډله په څلورم ګروپ کې د ایران، سعودي عربستان او مالیزیا لوبډلو سره همډلې ده.
د سیالیو بشپړه ډلبندي:
لومړۍ ډله: اندونیزیا، عراق، قرغزستان، سویلي کوریا
دویمه ډله: ټایلنډ، ویتنام، کوېټ، لبنان
درېیمه ډله: جاپان، ازبکستان، تاجکستان، اسټرالیا
څلورمه ډله: ایران، افغانستان، سعودي عربستان، مالیزیا
