د هلمند د شپږو ولسوالیو تر منځ د غېږ نیونې سیالۍ وشوې

د افغانستان کرېکټ بورډ د معلوماتو له مخې، د اړوندو ډاکټرانو د طبي راپور پر بنسټ د نوین الحق د ښي لاس د اوږې په هډوکي کې د ډېر فشار له امله رامنځته شوی درز (سټریس فریکچر) لا هم په بشپړ ډول نه دی رغېدلی. ویل شوي چې نوموړی لا هم درد لري او د لا ښې درملنې لپاره انګلستان ته استول شوی دی.

کرېکټ بورټ وایي، د همدې طبي ستونزې له امله، نوین الحق به ونه شي کولی د ویسټ انډیز پر وړاندې د راتلونکې لوبلړۍ او د شل اوریز نړیوال جام سیالیو برخه وي.

د افغانستان کرېکټ بورډ د غوراوي کمېټې د پرېکړې له مخې، د نوین الحق پر ځای ضیاءالرحمن شریفي، چې مخکې د احتیاطي لوبغاړو په نوملړ کې شامل و، اصلي نوملړ ته ورزیات شوی دی. همدارنګه، د ضیاءالرحمن شریفي پر ځای فرید ملک د احتیاطي لوبغاړو په نوملړ کې شامل شوی دی.

کرېکټ بورډ وایي، د لوبغاړو روغتیا ته په کتو دا بدلونونه ترسره شوي او هڅه کېږي چې د راتلونکو سیالیو لپاره بشپړ چمتووالی وساتل شي.

اتمر په خپل ایکس پوسټ کې لیکلي: «د افغان ځوانانو ویاړمند کارونه د ویاړ، خوښۍ او د هېواد د راتلونکي لپاره د امید سبب ګرځي. له دوی د لا ډېرې بریا هیله لرم.»

د افغانستان د ۱۹ کلنو ملي لوبډلې د نړیوال جام په لومړۍ لوبه کې د سوېلي افریقا ۱۹ کلنو لوبډلې ته د ۲۸ منډو په توپیر ماتې ورکړه.

اتمر د لوبډلې دغه بریا د هېوادوالو لپاره د خوښۍ او د افغان ځوانانو د استعداد د څرګندولو یوه مهمه لاسته راوړنه بللې او د لا ډېرو بریاوو هیله یې څرګنده کړې.

افغان کرېکټ بورډ ویلي، چې د ویسټ‌انډیز پخواني لوبغاړي او د کرېکټ مشهور مصبر اېن بېشپ د افغان لوبغاړو سره د لېدنې پرمهال د کرېکټ په برخه کې خپلې تجربي شریکې کړي او ویلي یې دي، چې ټوله نړۍ د افغان ځوانانو لوبې له نږدې څاري.

نوموړي د افغان ۱۹ کلنو لوبغاړو نننۍ غوره لوبې ته په اشارې ویلي، چې په خپلو غوره لوبو سره د نړۍوال جام په راتلونکو سیالیو کې لا غوره پایلې ترلاسه کولی شي.

دا په داسې حال کې ده، چې د افغانستان د ۱۹ کلنو کم عمره کرېکټ لوبډلې د ۱۹ کلنو په نړۍوال جام کې په خپل لومړۍ لوبه کې د سوېلي افریقا لوبډلې ته د ۲۸ منډو په توپیر ماتې ورکړه.

د افغانستان او سوېلي افریقا د نولس کلنو ملي لوبډلو ترمنځ د نن لوبې پچه د سوېلي افریقا لوبدلې وګټله او لومړی یې د توپ‌اچونې پرېکړه وکړه.

افغان لوبډلې د لوبې په لومړۍ پاڼۍ کې د ۸ لوبغاړو په زیان سره ۲۶۶ منډې جوړې کړې او سوېلي افریقا لوبډلې ته یې د ۲۷۶ منډو هدف وټاکه.

د افغان لوبدلې په ګټه فیصل‌خان شینوزاده ۸۱، خالد احمدزي ۷۳ او عزیزالله خان نیازي ۵۱ ناسوځېدلې منډې جوړې کړې.

د لوبې په دویمه پاڼۍ کې افغان توپ‌اچوونکو د غوره توپ اچونې په پایله کې د سوېلي افریقا لوبډلې ټول لوبغاړي په ۴۷،۴ اورونو کې وسوځول او لوبه یې د ۲۸ منډو په توپیر وګټله.

دغه قانون مسلکي لوبغاړي مکلفوي، چې پر ملي سياليو ډېر تمرکز ولري. د افغانستان کرېکټ بورډ د اعلان له مخې؛ د هېواد ملي لوبغاړي به له دې وروسته په يو کال کې يوازې په درېیو بهرنيو سوداګریزو ليګونو کې د لوبېدو اجازه ولري.

د نوې پاليسۍ له مخې؛ هغه لوبغاړي چې له افغانستان کرېکټ بورډ سره مرکزي قرارداد لري، د کورني ليګ له جبري ګډون سربېره کولای شي په کال کې په درېيو بهرنيو سوداګریزو ليګونو کې هم برخه واخلي. کرېکټ بورډ وايي، د دغه قانون موخه د لوبغاړو د بدني چمتووالي ساتنه، د رواني سلامتيا خوندي کول او د سياليو د فشار ښه مديريت دی؛ څو لوبغاړي وکولای شي د ملي لوبډلې سياليو ته په بشپړ تمرکز او امادګۍ سره حاضر شي.
د رويټرز د راپور له مخې؛ د افغانستان د کرېکټ وتلی ستوری راشد خان د هند، متحده عربي اماراتو، امريکا، سویلي افريقا او انګلستان په معتبرو ليګونو کې لوبېږي. د نوي قانون له مخې؛ هغه به په ۲۰۲۶کال کې يوازې په درېيو ليګونو کې د ګډون اجازه ولري.

همدارنګه نور احمد، مجيب‌الرحمان، رحمان‌الله ګربز، الله‌محمد غضنفر او يو شمېر نور افغان ملي لوبغاړي چې هر کال په څو نړۍوالو ليګونو کې برخه اخلي، هم د دغه قانون تر پوښښ لاندې راځي.

رويټرز زياتوي، چې ورته قانون په نورو هېوادونو کې هم پلي کېږي. په پاکستان کې هغه لوبغاړي چې مرکزي قرارداد لري، يوازې په دوو بهرنيو ليګونو کې د ګډون اجازه لري. په داسې حال کې چې په هند کې د مرکزي قرارداد لرونکي نارينه لوبغاړي په هېڅ بهرني ليګ کې د لوبېدو اجازه نه‌لري.