د طالبانو د شهیدانو او معلولینو چارو وزارت وایي چې د روان ۱۴۰۴ مالي کال له پیل راهیسې یې د پلازمینې په ګډون د هېواد په ټولو ولایتونو کې شاوخوا ۱۱ میلیارده او ۷۳۰ میلیونه افغانۍ د میاشتنیو نغدي مرستو په توګه د یتیمانو، کونډو او معلولینو بانکي حسابونو ته لېږدولي دي.
د یاد وزارت لخوا په خپره شوې خبرپاڼه کې چې نن شنبه د مرغومي(۲۷مه) خپره شوې راغلي، چې دا مرستې په بشپړ شفافیت سره د نږدې ۶۵۰ زره مستحقو کسانو حسابونو ته حواله شوې دي او د مرستو د وېش بهیر لا هم دوام لري.
دا په داسې حال کې ده چې سږ کال د تلې میاشت کې د طالبانو د شهیدانو او معلولینو چارو وزارت د اطلاعاتو او عامه اړيکو رییس فيصل خاموش ویلي وه، چې تر اوسه پورې ورسره ۶۹۴زره ۹۷۸کونډې، یتمیان او معلولین د مرستو لپاره ثبت شوي دي.
دغه چارواکي هغه مهال دا هم ویلي وه،چې مرستندویه ادارو سږ کال له ۷۰زره اړمنو کورنیو سره د ۱۰مېلیونه ډالرو په ارزښت بېلابېلې مرستې کړې دي.
