طالبان وایي چې سږ کال یې اړمنو کسانو ته ۱۱،۷ میلیارده افغانۍ نغدي مرسته ورکړې

د یاد وزارت د خبرپاڼې له مخې، چې نن د شنبې په ورځ (د مرغومي ۲۷مه) خپره شوې، عبدالولي حقاني د فرانسې له حکومت څخه د روغتیایي خدمتونو په برخه کې د همکارۍ او د اوږدمهاله او دوامداره ملاتړ غوښتنه کړې ده.

په خبرپاڼه کې راغلي چې په دې لیدنه کې د افغان ډاکټرانو د ظرفیت لوړولو لپاره د روزنیزو پروګرامونو پر جوړولو او افغانستان ته د فرانسوي ډاکټرانو د لېږلو پر موضوعاتو هم خبرې شوې دي.

بلخوا، د فرانسې شارژدافیر د خپل هېواد له لوري د روغتیایي همکاریو د دوام ژمنتیا څرګنده کړې ده.

د کابل امنیې قومندانۍ په خبرپاڼه کې ویل شوي، چې یاد کسان د جدي میاشتې په ۲۷مه د پنځمې حوزې د امنیتي ځواکونو د عملیاتو پر مهال له څلورو میله تومانچو، برچو او غلا شوو قیمتي اجناسو سره یو ځای نیول شوي دي.

د خبرپاڼې له مخې، نیول شوو کسانو په خپلو جرمونو اعتراف کړی او د لومړنیو څېړنو له بشپړېدو وروسته به عدلي او قضايي ارګانونو ته وسپارل شي.

طالب چارواکي وايي، د کابل ښار د امنیت د ټینګښت او د غلاوو او جنایي پېښو د مخنیوي لپاره به د پولیسو عملیات دوام ولري.

د پلازمینې کابل اوسېدونکي وایي، په کابل او ولایتونو کې د مخابراتي شبکو فعالیتونه هغه ډول ندي چې دوی یې په اعلانونو کې یادونه کوي او پیسې یې ترلاسه کوي، د دوی په وینا، هغه انټرنټي کڅوړې چې دوی ته د (۴ جي) په توګه وړاندې کیږي له (۳جي) هم کمزوري دي.

بل پلو د طالبانو د مخابراتو د تنظیم ادارې (اترا) ویلي چې د مخابراتي شبکو مسوولیت دی چې خپلې چوپړتیاوې پیاوړې کړي.

دغه اداره زیاتوي چې د (۳جي) څخه(۴جي) ته د انټرنېټي خدمتونو لوړول د کیفیت په ښه کېدو کې د پام وړ بدلون راوستی دی.

اترا همداراز ویلي چې د کمزورو خدمتونو ستونزه یوازې په ځینو سیمو پورې محدوده ده او لامل یې د نفوس زیاتوالی دی. خو د کابل ښار اوسېدونکي په عمومي ډول ټینګار کوي چې د مخابراتي شبکو خدمتونه لا هم کمزوري او د بیو په تناسب د منلو وړ نه دي.

فضلي په خپل ایکس پوسټ کې لیکلي، چې دا ډول مرکې له څېرو لکه «جوناتن لي» او «ټام بارفیلډ» سره ترسره کېږي، هغه کسان چې د ده په وینا، د افغانستان په اړه یې استعماري او تحقیرکوونکي روایتونه وړاندې کړي دي.

نوموړی زیاتوي، مرکه کوونکي نه یوازې د دغو څرګندونو پر وړاندې انتقادي دریځ نه نیسي، بلکې «خاندي او بیا یې په ویاړ سره خپروي».

د فضلي په باور، دا چلند له ملي ګټو سره په ټکر کې دی، خو اساسي پوښتنه دا ده چې ولې ځینې افغانان پخپله د همدې سپکاوي د خپرولو وسیله ګرځي.

هغه ټینګار کوي چې اصلي ستونزه د افراطي شاتګپالو او ملي‌ضدو کړیو ترمنځ په پټه همکاري کې ده. د ده په وینا، که څه هم دا دواړه لوري په ظاهره یو د بل مخالف ښکاري، خو په عمل کې یو د بل بشپړوونکي دي او د یو بل له روایتونو تغذیه کوي.

فضل محمود فضلي وايي، ملي‌ضدې څېرې تر دې بریده رسېدلې چې هره ورځ د استعماري تاریخ‌لیکونکو لکه «الفنسټون» او «دوپري» له فکري پلویانو سره مرکې کوي، څو دا انګېرنه پیاوړې کړي چې افغانستان د منځنیو پېړیو هېواد دی او د فرهنګي، پوهنیز او تمدني پرمختګ وړتیا نه لري.

نوموړي همدارنګه ویلي، افراطي شاتګپالي او واکمنه ډله بیا په عمل کې د همدې ادعاوو د ریښتیا کېدو زمینه برابروي.

د فضلي په وینا، دا ډلې نه یوازې د ښځو او نجونو ټولنیز رول او زده‌کړې بندوي، بلکې د نارینه‌وو لپاره هم د زده‌کړې او آزاد فکر ساحه ورځ تر بلې تنګوي او د ښکلو هنرونو د له منځه وړلو لپاره سیستماتیک ګامونه اخلي.

د دغه پخواني چارواکي په اند، دا وضعیت په ګډه د افغانستان د بدنامولو، شاتګ او له نړیوال تمدن څخه د لا زیاتې انزوا لامل ګرځي.

نوموړي وویل، هغه څه چې د پاکستان حکومت یې له افغانستان څخه د ترهګرۍ په نوم یادوي، تر ډېره په خپله پاکستان کې دننه موجود دي. د ده په وینا، د خیبر پښتونخوا په تیرا سیمه کې خلک په زور له خپلو پلرنیو مېنو بې‌ځایه کېږي او په ورځنۍ کچه لسګونه کسان وژل کېږي، چې دا شمېر په کال کې زرګونو ته رسېږي. هغه دا د ترهګرۍ ښکاره بیلګه وبلله.

اڅکزي ټینګار وکړ چې که افغانستان ناارامه وي، نو د سیمې د ټیکاو تمه هم نشي کېدای.

محمود خان اڅکزی پرون په رسمي ډول د پاکستان حکومت د اپوزیسیون د مشر په توګه معرفي شو.