ریچارډ بېنیټ په کندز او هرات کې د نیول شوو ښځو د سملاسي خوشې کېدو غوښتنه کړې

زیشان بنګش او سیف‌الرحمان احمدزی دوه کاله مخکې د ۲۰۲۴ کال په ډسمبر میاشت کې ونیول شول. احمدزی تردې مخکې په جون میاشت کې بلجیم ته استول شوی او زنداني شوی و.

د محکمې د پرېکړې له مخې زیشان بنګش په درې کلن بند محکوم شوی، تر دې مخکې دواړه تورن افغانان په بلجیم کې د انساني قاچاق په تور محکوم شوي و.

راپورونه ښيي چې دغو دواړو افغانانو به افغان کډوال د ایران، ترکیې او بالکان له لارې د فرانسې، بلجیم او بریتانیا په ګډون اروپایي هېوادونو ته لیږل.

دوی د یوې لویې قاچاقي شبکې غړي و چې سلګونه کډوال یې په وړو کښتیو کې له مانیخ کانال له لارې بریتانیا ته رسولي دي.

بریتانوي رسنۍ راپور ورکړی چې د دې شبکې غړي له پناه غوښتونکو سره جنسي تیري کول او د هغوی فلمونه یې جوړول او وروسته یې هغوی د باج غوښتلو، جنایي فعالیتونو او نورو جنسي ناوړه استفادې ته اړ کول.

د ۲۰۲۴ کال نومبر کې د بریتانیا انتورپ محکمې د دې شبکې لږ تر لږه ۲۱ غړو ته د بند سزا اورولې ده.

د طالبانو د ټولګټو چارو وزارت نن شنبه، د مرغومي پر ۲۷مه په اېکس خواله رسنۍ کې لیکلي، چې دا مهال د یادې لویې لارې په اوږدو کې د ځینو برخو د کیندې، پرکارۍ، د پلګوټو او استنادي دېوالونو رغنیزې چارې هم جریان لري.

یاد وزارت د قراردادي شرکت مسوولینو او تطبیق کوونکو ټیمونو ته یوځل بیا هدایت او لار ښوونه وکړه، دا چې یاده لویه لار یوه مهمه استراتیژیکه لار ده، د رغونې چارې دې چټکې او د ټولګټو وزارت د تخنیکي مشخصاتو سره سمې او په ټاکلي وخت بشپړې کړي.

شرکت د ټولګټو وزارت ته ډاډ ورکړی، چې د یادې لویې لارې د اساسي رغونې چارې به په ټاکلي وخت او د تخنیکي مشخصاتو سره سمې بشپړې کړي.

د کابل- جلال اباد دویم سړک د جوړولو چارې چې د کابل د خاک جبار له ولسوالۍ پیل او بیا د حصارک، شېرزادو، خوګیاڼو او سره رود له ولسوالیو تېرېږي او تر طورخم پورې رسېږي د پخواني نظام پر مهال پیل شوې وې، چې ډېر ځله د امنیتي ستونزو له امله ټکنۍ پر مخ روانې وې.
د ګڼو خلکو په باور پخوا همدغه ډله وه، چې د بیارغاونې چارې یې له خنډ او ځنډ سره مخامخ کړې وې، اوس چې دغه ډله د واک پر ګدۍ ناسته ده نو بله داسې وسله‌واله ډله نه شته، چې د دوی د چارو پر وړاندې خنډونه راولاړ کړي.

د روان کال د لیندي ۱۶مه سرچینو افغانستان انټرنشنل - پښتو ته وویل، چې د حزب اسلامي مشر ګلبدین حکمتیار مالیزیا ته د درملنې لپاره روان شوی.

د روان کال د تلې پر ۲۰ داسې رپوټونه خپاره شول، چې طالبانو مالیزیا ته د حکمتیار د سفر مخه نیولې ده.

هغه ته نږدې کسانو هغه وخت ویلي و، د ګلبدین حکمتیار او د مالیزیا د لومړي وزیر انور ابراهیم تر منځ زړه اشنايي ده او څو میاشتې مخکې د هغه د ځانګړي استازي په مشرۍ یو پلاوی کابل ته راغی او په وینا یې طالبانو له ګلبدین حکمتیار سره د لیدنې اجازه نه‌ ورکوله، خو «د نه اجازې بدو پايلو ته په پام سره اجازې ته اړ شول.»

طالبانو له بیا واکمنېدو سره سم، په کابل کې د ګلبدین حکمتیار هستوګنځای چې د تېر جمهوري نظام له‌خوا ورکړل شوی و، بېرته واخیست او د حکمتیار اړوند ټلویزیون یې هم بند کړ.

تېر جمهوریت پرمهال د ولسمشر مرستیال امرالله صالح نن شنبه، د مرغومي پر ۲۷مه په اېکس کې د پوښتنو په ډول لیکلي، چې د ډونالډ ټرمپ د واکمنۍ پر مهال د امریکا حکومت نږدې ټول دوه‌اړخیز، څو‌اړخیز او نړیوال تړونونه یا خو مات یې کړل یا یې لغوه کړل، یا یې بدل او یا یې هم سره ورباندې خبرې وکړې خو د دوحې تړون همداسې پاتې دی.

صالح ویلي، چې په دې تړون کې څه ځانګړنه ده، چې دا یې تر نورو ټولو تړونونو ډېر مهم او ځانګړی کړی دی حتی تر هغه تړونونو هم چې له ډنمارک سره د ګرینلنډ پر سر او یا له اروپا سره شوي دي؟
امرالله صالح ویلي، چې د ټرمپ حکومت ډېر تړونونه له ګواښ سره مخ کړل خو د طالبانو پټ ملاتړ یې بند کړی نه دی.

له دې وړاندې د تېر جمهوري نظام د ولسمشر لومړی مرستیال امرالله صالح ویلي و، چې د ۲۰۲۱ کال د اګسټ په میاشت کې د افغانستان جمهوریت په پولنډ کې ۲۵۰ میلیارد تازه چاپ شوې افغانۍ لرلې. نوموړي ویلي و، چې امریکا په پټ ډول دغه مرستې طالبانو ته وسپارلې.

د دغې ورځپاڼې د راټولو شوو معلوماتو له مخې، هغه افغان بازارونه چې پخوا تر ډېره د پاکستاني درملو څخه ډک وو، اوس د هندوستان درملو یې ځای نیولی دی.

راپور زیاتوي، د درملو له سوداګرو نیولې تر ډاکټرانو او عامو خلکو پورې، ډېری کسان هندي درمل د پاکستاني درملو په پرتله هم د قیمت له پلوه او هم د کیفیت له اړخه غوره بولي. د روغتیايي کارپوهانو په وینا، هندي درمل د نړیوالو معیارونو سره نږدې تولیدېږي او د ناروغانو لپاره یې اغېز هم د باور وړ بلل کېږي.

د انډیا ټوډی د راپور له مخې، وروسته له هغې چې د پاکستان او افغانستان ترمنځ سوداګریزې لارې وتړل شوې، د دواړو لوریو ترمنځ سوداګري نږدې صفر ته راتیټه شوې ده. دې پرېکړې نه یوازې د افغانستان پر بازار اغېز وکړ، بلکې په خپله پاکستان کې یې هم د درملو پر صنعت ناوړه پایلې لرلي.

راپور وايي، د پاکستان په لاهور او کراچۍ ښارونو سربېره، د خیبر پښتونخوا په پېښور کې هم د درملو ګڼې فابریکې په ټپه ودرېدې؛ هغه فابریکې چې زیاتره تولیدات یې د افغانستان بازار ته ځانګړي شوي وو.

په همدې حال کې، د طالبانو د ریاست‌الوزرا اقتصادي مرستیال څه موده وړاندې افغان سوداګرو ته، په ځانګړي ډول د درملو کاروباریانو ته، سپارښتنه کړې وه چې د پاکستان پر ځای دې د سوداګرۍ لپاره پر بدیلو لارو او نورو هېوادونو غور وکړي.

د راپور له مخې، د افغانستان بازار ته د هندي درملو پراخ لاسرسی د سوداګرۍ د لارو د بدلون، د کیفیت د باور او د قیمت د مناسب‌والي پایله ده، او تمه ده چې دا بهیر په راتلونکي کې لا پسې پیاوړی شي.