اېمل ولي خان: د ترهګرو بیا مېشتولو مسوولین پاکستاني جنرالان قمر جاوید باجوه او فیض حمید دي

د پوليسو په وينا؛ له امنيتي خبرتيا سره سم ټول هټۍوال او ملکي وګړي له بازاره و اېستل شول، سوداګريز فعاليتونه ودرول شول او د بازار دننه تګ راتګ محدود کړای شو. د یادې سيمې د پوليسو قوماندان محمد طاهر شاه وایي، اضافي امنيتي ځواکونه ځای پر ځای شوي او د بازار د تګ راتګ لارو پر سر امنیتي پوستې هم جوړې شوې دي.

د دغه بازار تر تړل کېدو وروسته پوليسو د پلټنې عمليات پيل کړي دي. چارواکي ټينګار کوي، چې بازار به يوازې هغه مهال بېرته پرانيستل شي؛ کله چې ټول احتمالي ګواښونه له‌منځه يووړل شي.

دا په داسې حال کې ده، چې په شمالي او سوېلي وزيرستان کې د امنيتي پېښو زياتېدو د خلکو ورځنی ژوند او اقتصاد سخت اغېزمن کړی دی. د امنيتي ادارو په وينا؛ د امنیت د ټینګښت په برخه کې د خلکو همکاري اړينه ده او له اوسېدونکو غوښتل شوي، چې له ګونګوسو ډډه وکړي او مشکوک فعاليتونه له پوليسو سره شريک کړي.

د پوځ د عامه اړیکو له څانګې په خپره شوې خبرپاڼه کې راغلي چې دغه عملیات د استخباراتي معلوماتو پر بنسټ شوي دي.

خبرپاڼه زیاتوي، په بنو ولسوالۍ کې د امنیتي ځواکونو له لوري د شویو عملیاتو پر مهال ۸وسله‌وال طالبان وژل شوي دي.

پوځ ادعا کوي چې یادو وسله‌ والو په سیمه کې د پاکستان امنیتي ځواکونو او ولسي وګړو پر ضد په بریدونو کې لاس درلود.

همداراز د پوځ په وینا، په کورمې ولسوالۍ کې یې د جلا عملیاتو په ترڅ کې ۵ نور پاکستاني طالبان وژلي دي. د خبرپاڼې له مخې، د دغو عملیاتو پر مهال امنیتي ځواکونو د وسله‌والو ځینې پټنځایونه هم له منځه وړي او یو اندازه وسلې او مهمات یې نیولي دي، خو د نیول شویو وسلو کره شمېر نه دی ښودل شوی.

پوځ وایي چې دا عملیات د وسله‌والو د فعالیتونو د مخنیوي، د سیمې د امنیت د ټینګښت او د ولسي وګړو د خوندي کولو په موخه شوي دي.

تر اوسه د پاکستاني طالبانو تحریک د پاکستان د پوځ د دغو ادعاوو په تړاو څه نه دي ویلي او د وژل شویو کسانو د هویت او شمېر په اړه یې هم کوم غبرګون نه دی ښودلی.

منظور پشتین په یوه پیغام کې ویلي چې د جنورۍ پر ۱۹مه د نړيوال اقتصادي فورم په غونډه کې به د پاکستان لومړی وزير شهباز شریف او ګڼ شمېر نور نړيوال مشران ګډون ولري او دا یو مهم فرصت دی چې نړیوال مشران د پښتنو پر وړاندې له روانو ظلمونو خبر شي.

نوموړي لیکلي: «د پي ټي ایم ملګري دې د دغه کنفرانس پر مهال د تالار مخې ته احتجاج وکړي».

د پښتون ژغورنې غورځنګ مشر ويلي، په ياد لاریون کې به د پاکستان د دولتي پاليسيو پر ضد غږ پورته کېږي، چې پکې د تيرا او کورمې ولسوالۍ پوځي عمليات، د پښتون ژغورنې غورځنګ د بندي او لا درکه غړو قضیې، په سیمه کې د ترهګرۍ ضد جګړې پایلې، په لر او بر وطن کې پر بېګناه ماشومانو او ښځو د بمبار او ډرون بريدونه، او همداراز په جبري ډول له پاکستان څخه د افغان کډوالو د شړلو موضوعات شامل وي.

منظور پشتین ټينګار کړی چې دغه ټول مسایل به له مستندو اسنادو سره نړيوالو دفترونو، رسنيو او چارواکو ته وسپارل شي.

هغه زياته کړې: «پي ټي ایم د نړۍ په هر ګوټ کې د خپل ملت د هيلو او غوښتنو استازولي کوي».

د سرچینو په وینا؛ په دغه معلوماتو کې د افغان سوداګرو د کاروبار ډولونه، په بېلابېلو بازارونو کې د هغوی حضور او همدارنګه د ناقانونه فعالیتونو اړوند جزییات شامل دي. سرچینې زیاتوي، چې په پېښور کې مېشت د افغان کډوالو لویه برخه د «پي او ار» کارتونه لري؛ خو هغه افغانان چې د افغانستان د تجارتي ویزې پر بنسټ په پاکستان کې سوداګریز فعالیتونه کوي، ډېر کم دي.

د معلوماتو له مخې؛ زیاتره افغان سوداګر د پېښور په مهمو سوداګریزو او استوګنیزو سیمو لکه یونیورسټي روډ، ټاون، بورډ بازار او حیات‌اباد کې خپل کاروبارونه پر مخ وړي. سرچینو ویلي، چې په پېښور کې د ۶۴ بازارونو په کچه د افغان سوداګرو حضور ثبت شوی چې په‌کې خیبر بازار، نمک منډي، سبزي منډي او خوشحال بازار په څېر لوی سوداګریز مرکزونه هم شامل دي.

د راپور له مخې؛ د ځینو افغان کډوالو له لوري په ناقانونه توګه د پاکستاني شناختي کارتونو د ترلاسه کولو پېښې هم ثبت شوې دي، چې په دې تړاو د عدلي او قضایي ارګانونو له‌خوا څېړنې روانې دي.

د چارواکو په وینا؛ د پېښور ترڅنګ د خیبر پښتونخوا په نورو ولسوالیو کې هم د افغان سوداګرو پر ضد عملیات روان دي، چې موخه یې د ناقانونه فعالیتونو مخنیوی او د سوداګریزو چارو قانوني کول ښودل شوي دي.

د ورکړل شویو شمېرو له مخې؛ د بېرته ستنو شویو کسانو له ډلې ۲۳۰زره او ۴۷۰کسان د «پي او ار» کارت لرونکي، ۷۱زره او ۵۷۰ کسان د افغانستان د پېژندپاڼو لرونکي او ۶۸۶زره او ۷۷۲ نور بیا بې‌اسناده افغانان دي.

یوازې د تېرې ورځې په ترڅ کې د تورخم له لارې ۲زره او ۳۱۲ افغانان بېرته افغانستان ته ستانه شوي، چې له دې ډلې ۱ زره او ۵۲۲کسان د پي او ار کارت لرونکي، ۲۷۷ د افغانستان پېژندپاڼو لرونکي او ۵۱۳ نور بیا پرته له قانوني ‌اسنادو په دغه هېواد کې مېشت وو.

له بل پلوه د طالبانو د کډوالو او بېرته راستنېدونکو چارو وزارت خبر ورکړی، چې یوازې په تېرې لېندۍ میاشت کې له ایران، ترکیې او پاکستان نه ۲۴۱زره او ۷۸۰ کډوال افغانستان ته ستانه شوي دي.

د دغه وزارت له‌خوا په درېیو جلا خپرو شویو خبرپاڼو کې راغلي، چې له دې ډلې له ایران نه ۱۰۶زره او ۴۰۳ کډوال، له ترکیې ۱۶۸۸ او له پاکستان نه ۱۳۳زره او ۶۸۹ کډوال بېرته افغانستان ته ستانه شوي دي.