د مالیزیا لومړی وزیر د ګلبدین حکمتیار د پوښتنې لپاره روغتون ته ورغلی دی

تېر جمهوریت پرمهال د ولسمشر مرستیال امرالله صالح نن شنبه، د مرغومي پر ۲۷مه په اېکس کې د پوښتنو په ډول لیکلي، چې د ډونالډ ټرمپ د واکمنۍ پر مهال د امریکا حکومت نږدې ټول دوه‌اړخیز، څو‌اړخیز او نړیوال تړونونه یا خو مات یې کړل یا یې لغوه کړل، یا یې بدل او یا یې هم سره ورباندې خبرې وکړې خو د دوحې تړون همداسې پاتې دی.

صالح ویلي، چې په دې تړون کې څه ځانګړنه ده، چې دا یې تر نورو ټولو تړونونو ډېر مهم او ځانګړی کړی دی حتی تر هغه تړونونو هم چې له ډنمارک سره د ګرینلنډ پر سر او یا له اروپا سره شوي دي؟
امرالله صالح ویلي، چې د ټرمپ حکومت ډېر تړونونه له ګواښ سره مخ کړل خو د طالبانو پټ ملاتړ یې بند کړی نه دی.

له دې وړاندې د تېر جمهوري نظام د ولسمشر لومړی مرستیال امرالله صالح ویلي و، چې د ۲۰۲۱ کال د اګسټ په میاشت کې د افغانستان جمهوریت په پولنډ کې ۲۵۰ میلیارد تازه چاپ شوې افغانۍ لرلې. نوموړي ویلي و، چې امریکا په پټ ډول دغه مرستې طالبانو ته وسپارلې.

د دغې ورځپاڼې د راټولو شوو معلوماتو له مخې، هغه افغان بازارونه چې پخوا تر ډېره د پاکستاني درملو څخه ډک وو، اوس د هندوستان درملو یې ځای نیولی دی.

راپور زیاتوي، د درملو له سوداګرو نیولې تر ډاکټرانو او عامو خلکو پورې، ډېری کسان هندي درمل د پاکستاني درملو په پرتله هم د قیمت له پلوه او هم د کیفیت له اړخه غوره بولي. د روغتیايي کارپوهانو په وینا، هندي درمل د نړیوالو معیارونو سره نږدې تولیدېږي او د ناروغانو لپاره یې اغېز هم د باور وړ بلل کېږي.

د انډیا ټوډی د راپور له مخې، وروسته له هغې چې د پاکستان او افغانستان ترمنځ سوداګریزې لارې وتړل شوې، د دواړو لوریو ترمنځ سوداګري نږدې صفر ته راتیټه شوې ده. دې پرېکړې نه یوازې د افغانستان پر بازار اغېز وکړ، بلکې په خپله پاکستان کې یې هم د درملو پر صنعت ناوړه پایلې لرلي.

راپور وايي، د پاکستان په لاهور او کراچۍ ښارونو سربېره، د خیبر پښتونخوا په پېښور کې هم د درملو ګڼې فابریکې په ټپه ودرېدې؛ هغه فابریکې چې زیاتره تولیدات یې د افغانستان بازار ته ځانګړي شوي وو.

په همدې حال کې، د طالبانو د ریاست‌الوزرا اقتصادي مرستیال څه موده وړاندې افغان سوداګرو ته، په ځانګړي ډول د درملو کاروباریانو ته، سپارښتنه کړې وه چې د پاکستان پر ځای دې د سوداګرۍ لپاره پر بدیلو لارو او نورو هېوادونو غور وکړي.

د راپور له مخې، د افغانستان بازار ته د هندي درملو پراخ لاسرسی د سوداګرۍ د لارو د بدلون، د کیفیت د باور او د قیمت د مناسب‌والي پایله ده، او تمه ده چې دا بهیر په راتلونکي کې لا پسې پیاوړی شي.

د طالبانو د کورنیو چارو وزارت وایي نن شنبه، د مرغومي پر ۲۷مه نیول شوي کسان نیمروز کې د پولیسو له څېړنو وروسته په یاد ولایت کې ترهګرۍ سره د مبارزې مدیریت ته سپارل شوي دي.

که څه هم طالبان ادعا کوي چې د پخواني حکومت څخه ورته پاتې وسلې او نظامي وسایل یې خوندي دي خو دوی په بېلابېلو ولایتونو کې د سپکو او درندو وسلو د قاچاق د مخنیوي رپوټونه ور کوي.

د افغانستان د مخکیني جمهوري نظام تر پرځېدو او د امریکا په ګډون د ناټو ځواکونو له وتلو وروسته طالبانو ته د پرمختللو وسلو پاتې کېدو د سیمه ییز امنیت او ټیکاو په تړاو اندېښنې راپورته کړې دي.

خو د طالبانو خبره دا ده، چې په پاکستان کې د وسله والو ډلو له لوري د ناټو او امریکایي ځواکونو کارېدونکې وسلې په تېرو شلو کلونو کې افغانستان ته د لېږدولو پر مهال برمته او غلا شوې وې او په تور بازار کې په اسانه موندل کېدې.

د طالبانو د هرات ولایت مقام نن شنبه، د مرغومي ۲۷ پر ایکس خواله رسنۍ لیکلي، چې دا لړۍ د طالبانو د کورنیو چارو وزارت د ټرافیکو عمومي رییس په حضور کې پیل شوه.

دوی په اعلامیه کې لیکلي، چې د هرات په ولایت کې به ۶۰۰عرادې ټکسي او بسونه او نږدې ۷زره باروړونکو موټرو ته نړیوال پلېټونه ووېشل شي.

د دې اقدام موخه ټرافیکو کې د غوره نظم رامنځته کول، د نقلیه وسایطو تګ راتګ کې اسانتیاوې برابرول او د افغانستان او ګاونډیو هېوادونو په ځانګړي ډول ایران ترمنځ د ټرانزیټي همکاریو پیاوړتیا ده.

طالبان ددې پېلټونو په بدل کې څومره مالیه او فیس اخلي په دې اړه یې معلومات نه دي ورکړي.

د طالبانو ویاند ذبیح الله مجاهد نن شنبه، د مرغومي پر ۲۷مه، پر اېکس خواله رسنۍ لیکلي، چې ددې ډلې د سرپل ولایت مخکنی امنیه قومندان عبدالبصیر مظهري د بدخشان ولایت د امنیه قومندان په توګه ټاکل شوی دی.

د ملاهبت په دې ګمارنو کې د بدخشان ولایت مخکنی امنیه قومندان نیک محمد ملنګ د سرپل ولایت د امنیه قومندان په توګه ټاکل شوی.

د فاریاب پوهنتون مخکنی رییس حمید ﷲ ارشاد دتخار ولایت د مرستیال په توګه ټاکلی.

په یوه بله ګمارنه کې د طالبانو د تخار ولایت مخکنی مرستیال محمد نادر حقجو د ۲۰۹ الفتح قول اردو لومړۍ پیاده لواء د قومندان په توګه او د فاریاب ولایت امنیه قومندانۍ د داخلي امنیت مخکنی مدیر عبد ﷲرحماني د همدې ولایت د پوهني د رئیس په توګه ټاګلی دی.

د طالبانو په مشر نیوکې دي، چې د خپل واک پراخولو لپاره ډېری کسان له ټیټو څوکیو څخه وزارتونو، معینيتونو، ولایتونو او د پوځ لوړو څوکیو ته بدل کړي دي.

ملاهبت الله د خپل طبعیت له مخې د طالبانو په حکومتي چوکاټ کې هېڅ سیاسي ګوند او د دغه ډلې د نظریاتو خلاف کسانو ته ځای نه ورکوي. نړۍوال بنسټونه او حکومتونه نیوکې کوي، چې طالبانو په افغانستان کې حکومتي سېسټم یوازې تر خپلې ډلې پورې محدود کړی او نورو افغانانو ته په دولتي دندو او لوړو حکومتي څوکیو کې ونډه نه ورکوي.