طالبان د هلمند د ښوراب ملکي هوايي ډګر بېرته فعالوي

د طالبانو د دفاع وزارت ویاند عنایت الله خوارزمي د یکشنبې په ورځ وویل، چې دوحې ته د قاري فطرت د سفر موخه د دوحې په نړیوال دفاعي نندارتون «ډیمډکس» کې ګډون دی، چې د دفاعي تجهیزاتو او ټکنالوژۍ د نندارې لپاره جوړ شوی دی.

یاد وزارت ویلي، چې نوموړی د وسله‌والو ځواکونو په استازیتوب په دغه نندارتون کې ګډون کوي او د دفاعي چارو په برخه کې به له بهرنیو چارواکو سره لیدنې او خبرې اترې هم ولري.

ډیمډکس د دوحې نړیوال سمندري دفاعي نندارتون او کنفرانس دی چې هر دوه کاله وروسته په قطر کې جوړیږي او موخه یې د دفاعي وسایلو، ټکنالوژۍ او تجهیزاتو نندارې ته وړاندې کول دي.

ددغه نندارتون پر مهال، د نړۍ له بېلابېلو هېوادونو او دفاعي شرکتونو استازي ګډون کوي چې جنګي بېړۍ، ټانکونه، الوتکې، وسلې او نور دفاعي وسایل نندارې ته پکې وړاندې کېږي.

د ډیمډکس نندارتون یوه برخه کنفرانس ته ځانګړې شوې، چې د دفاع متخصصین او چارواکي د دفاعي ټکنالوژۍ او امنیت په اړه خبرې کوي.

د تاجکستان دولتي خبري اژانس «خاور» د یکشنبې په ورځ (د مرغومي ۲۸مه) په خپل راپور کې ویلي، چې یاد کسان تاجکستان ته له ننوتلو وروسته وپېژندل شول او د هغوی د استوګنې ځای د سرحدي ځواکونو له‌خوا تثبیت شو.

د راپور له مخې، سرحدي ځواکونو هڅه وکړه چې دغه کسان ونیسي، خو بریدګرو د تسلیمېدو امر ته پام ونه کړ او وسله‌وال مقاومت یې وکړ، چې په پایله کې د عملیاتو پر مهال ټول څلور تنه ووژل شول.

تاجکستاني سرحدي ځواکونو ویلي، چې د نښتې له سیمې یې یو اندازه پوځي تجهیزات او مهمات هم ترلاسه کړي دي.

د تاجکستان د سرحدي ځواکونو په وینا، د دغه هېواد پولې تر بشپړ کنټرول لاندې دي او له هر ډول ناقانونه نفوذ او وسله‌والو اقداماتو سره به قانوني چلند وشي.

تر دې مهاله طالبانو په دې اړه څه نه دي ویلي خو دا پېښه په داسې حال کې ده، چې تر دې وړاندې هم د افغانستان له خاورې د ډزو په ترڅ کې دوه تاجکستاني سرحدي سرتېري او څو چینايي وګړي وژل شوي وو.

ځینو افغان سوداګرو نن یکشنبه، د مرغومي پر ۲۸مه وویل، چې که څه هم پاکستاني چارواکي د افغان سوداګرو د کانټینرو سوځېدل د اورلګېدو پيښه بولي خو دوی له دې اړخه ډاډمن نه دي او شونې ده، چې په قصدي ډول سوځول شوي وي.

یو افغان سوداګر وویل، چې د پاکستان د ګمرک چارواکو د افغان سوداګرو کانټینر د نامعلومو دلایلو له امله درولي وو او د وتلو اجازه یې نه ورکوله، خو افغان سوداګرو د پاکستان د ګمرک له ادارې غوښتي و، چې که اجازه نه ورکوي نو د ګمرک تعزیري مالیات دې ورته معاف شي او دوی چمتو دي خپل توکي بېرته اړوندو هېوادونو ته ولیږدوي.

افغان سوداګر وايي، چې پاکستاني چارواکو دا ورسره منلې وه خو اوس د کانټینرونو له سوځیدلو وروسته اړ دي، چې د پاکستان ګمرک ادارې ته ددغو کانټینرونو پر سر راغلي ګمرکي تعزیري مالیه هم ور کړي.

د پاکستان حکومت او د ګمرک ادارې تر اوسه په دې اړه په رسمي ډول څه نه دي ویلي.

افغان سوداګرو له افغانستان انټرنشنل سره هغه ویډیوګانې او سندونه هم شریک کړل، چې د کراچۍ سوداګریز بندر په « پي اي سي ډي» پورټ کې د افغان سوداګرو د اړوندو کانټینرو د سوځېدو صحنې پکې ښکاري.

له شاوخوا سل ورځو راهیسې د افغانستان او پاکستان ترمنځ سوداګریزې لارې تړلې دي او تر دې دمه د لارې پرانېستلو په اړه کوم خبر نشته.

طالبان د سوداګریزو لارو د بېرته پرانیستلو لپاره له پاکستان څخه د درېیمګړي هېواد ضمانت غواړي او اسلام اباد ټینګار کوي، چې کابل دې د پاکستاني طالبانو د فعالیتونو مخه ونیسي.

یاد وزارت د یکشنبې په ورځ وویل، چې د دغه حکم پر بنسټ د افغانستان د دولتي او خصوصي پوهنتونونو ۱۵۵۵ تنه ممتاز فارغ محصلان د لوړو زده کړو وزارت له‌خوا ملا هبت الله ته ورپېژندل شوي دي.

وزارت وايي، چې یاد محصلان به لومړی د چارو ادارې له لوري وارزول شي او وروسته به د هغوی د مسلک، تخصص او تحصیلي څانګې په پام کې نیولو سره د ملا هبت‌الله دفتر ته وروپېژندل شي، څو په بېلابېلو ادارو کې په دندو وګومارل شي.

د طالبانو د لوړو زده کړو وزارت ټینګار کړی، چې د دغو محصلانو بشپړ شهرت، اسناد او معلومات د مولوي ندا محمد ندیم په لارښوونه، له ټولو پوهنتونونو څخه په «شفاف او اصولي» ډول راټول شوي او د دې ډلې مشر ته لېږل شوي دي.

یاده سرچینه وایي، د دغه بهیر موخه دا ده چې د طالبانو په ادارو کې د مسلکي او وړ کادرونو شمېر زیات شي او د ادارو کاري وړتیا لوړه شي.

دا پرېکړه په داسې حال کې کېږي، چې طالبانو له بیا واکمنېدو وروسته پر ښځو د لوړو زده کړو او کار کولو سخت بندیزونه لګولي او ګڼ لوستي کادرونه یې له دندو لرې کړې دي.

دا مهال نجونې له پوهنتونونو منع دي او ښځو ته اجازه نه ورکول کېږي چې په دولتي ادارو، نادولتي بنسټونو او ډېرو مسلکي برخو کې کار وکړي.

د د طالبانو د دولتي شرکتونو لوی ریاست نن یکشنبه، د مرغومي پر ۲۸مه نېټه په اېکس کې لیکلي، چې د یاد ریاست تر چتر لاندې د افغان ټور شرکت ۱۰۱۳ تنو بهرنیو سیلانیانو لپاره، د رسمي مکتوبونو له لارې د هېواد بېلابېلو تاریخي، سیاحتي او توریستي ولایتونو ته قانوني، منظم او په رسمي توګه سفرونه تنظیم کړي او د خپلو ځانګړو لېږد وسایطو (موټرو ) له لارې یې لېږدولي دي.

دغه ریاست په خپله اعلامیه کې ددې کال کې د خپلو عوایدو په اړه معلومات نه دي ورکړي.

د کارپوهانو په وینا، طالبان پر خواله رسنیو مشهور سېلانیان تر خپل واک لاندې سیمو کې د امنیت په تړاو د تبلیغاتو لپاره کاروي.

نږدې دوه کاله وړاندې په بامیان کې هسپانوي سېلانیان د ناڅرګندو وسله‌والو له لوري ووژل شول او له هغې راورسته د بهرنیو سېلانیانو په شمېر کې کموالی هم راغلی دی.

د امریکا په ګډون یو شمېر هېوادونو له خپلو وګړو غوښتي چې افغانستان اوس مهال باثباته او د ښه امنیت لرونکی هېواد نه‌دی او وګړي یې باید له ورتګ څخه ډډه وکړي.