د هسپانیا دولتي رسنۍ وايي، نن مازدیګر (یکشنبه د مرغومي ۲۸مه) په ادموز سیمه کې د دوو چټک اورګاډو د ټکر له امله لږ تر لږه ۲۱ کسان مړه شوي، لسګونه نور ټپیان دي او ښایي یو زیات شمېر نور لا هم په اورګاډو کې بند پاتې وي.
د هسپانیا د دولتي رسنیو د راپور لهمخې، یو چټک اورګاډی چې تر ۳۰۰ ډېر سپرلۍ پهکې سپاره وو، له حرکت څخه یو ساعت وروسته یې ۳ وروستي واګونونه له پټلۍ ووتل او له مقابل لوري څخه له بل راتلونکي چټک اورګاډي سره وجنګېدل، چې له امله یې هغه بل اورګاډی هم له پټلۍ واوښت.
د هسپانیا د ټرانسپورټ وزیر اسکار پوینته په خپله اېکسپاڼه لیکلي، له دغې پېښې وروسته د یادې پټلۍ ټول رېل ګاډي بېرته خپلو لومړیو تمځایونو ته ګرځول شوي دي.
د دغه هېواد پاچا او ملکه یې چې اوس په اتن کې دي د یادې پېښې د قربانیانو له کورنیو سره خواخوږي کړې او ټپیانو ته یې د روغتیا هیله څرګنده کړې ده.
ویل کېږي، چې دا د مرګژوبلې وروستۍ شمېرې نهدي او ښايي د مرګژوبلې کچه تر دې هم لوړه شي.
