د ملګرو ملتونو د خوړو نړیوال پروګرام (WFP) تازه راپور ښيي چې په افغانستان کې د خوړو کمښت او د ماشومانو سوء تغذي په چټکۍ سره پراخیږي. څلور میلیونه ماشومان د عاجلې درملنې او تغذیوي مرستو ته اړتیا لري، پداسې حال کې چې بې وزله کورنۍ د خپل ماشوم د خوراک لپاره له سختو ننګونو سره مخ دي.
د ډبلیو ایف پي په تازه خپور کړي راپور کې راغلي، په افغانستان کې د خوړو بحران له څو کلونو اقتصادي ستونزو، وچکالۍ، د نړیوالې مرستې کمښت او د طالبانو د واکمنۍ له محدودیتونو سره یوځای د ماشومانو د سوء تغذیې او لوی خوراکي کړکیچ لامل شوی دی.
په افغانستان کې د ډبلیو ایف پي رییس جان ایلیف وايي، په ۲۰۲۵ کال کې د ماشومانو د سوء تغذي لوړترینه کچه ثبت شوې ده، او څلور میلیونه ماشومان به سږکال بېړنۍ درملنې ته اړتیا ولري.
جان ایلیف ته وایي: «ماشومان به مړه شي که درملنه ورته ونشي. ښځې د خپلو ماشومانو د خوړو لپاره خپلې روغتیا او تغذیه قربانوي.»
په هرات کې د درملنې مرکزونو معلومات ښيي چې هره میاشت په منځني ډول ۳۱۵ تر ۳۲۰ ماشومان د سختې سوء تغذي له امله روغتون ته داخلیږي، او ډیری یې د وروستي حالت سره رارسېدلي وي.
یوې مور، نجیبه، چې د خپل ناروغ ماشوم په پالنه بوخته ده، وویل: «زه نور څه نشم کولی، یوازې دعا کوم چې زما ماشوم ښه شي.»
دډبلیو ایف پيراپور زیاتوي چې د ملګرو ملتونو د خواړو پروګرام د راتلونکو شپږو میاشتو لپاره د شپږ میلیونو افغانانو د خوړو لپاره ۳۹۰ میلیون ډالر غوښتنه کړې.
په مرکزونو کې د ماشومانو تر څنګ، د مېدونو لارښوونه هم کیږي چې د شیدو ورکولو اهمیت ولري. نرسان وایي چې یوازې کارکوونکې یا د کورنۍ ښځینه مورګانې د شیدو تولید کې ستونزې لري، چې د ماشومانو د تغذیې په کمښت مستقیم اغېز لري.
