د اټومي ایران ضد د اتحاد سازمان: د اقتصاد په نړۍواله غونډه کې دې د عراقچي حضور لغوه شي

د «ایران د اټومي کېدو پر ضد د اتحاد» سازمان اعلان وکړ، چې د ایران د بهرنیو چارو وزیر عباس عراقچي په یو پټ اقدام او پرته له عامه خبرتیا د نړۍوالې اقتصادي ټولنې په ویناوالو کې شامل شوی دی. دا غونډه روانه اوونۍ ترسره کېږي.
د فاکسنیوز خبري شبکې هم راپور ورکړی چې د «ایران د اټومي کېدو پر ضد د اتحاد» سازمان د داووس مجمع ته د یو لیک په لېږلو سره له هغوی څخه غوښتي، چې په تېرو اوونیو کې د ایرانیانو تر ټولو سترې وژنې ته په کتو د عراقچي بلنه لغوه کړي.
په دغه لیک کې راغلي دي: «سږکال د نړۍوالې اقتصادي ټولنې شعار "د خبرو اترو روحیه" ده. خو اسلامي جمهوریت د خبرو پر ځای، دغو زړورو ایرانیانو ته ګولۍ ډالۍ کړې. دا بلنه ټکان ورکوونکې او کرکه پارونکې ده. لکه څنګه چې د مونیخ امنیتي کنفرانس د اسلامي جمهوریت چارواکي له ګډون څخه بې برخې کړل، نړۍواله اقتصادي ټولنه باید هم ورته ګام پورته کړي».
د «ایران د اټومي کېدو پر ضد د اتحاد» سازمان دا بلنه د اسلامي جمهوریت لپاره یو «انعام» او د «عادي ښودلو او له قتل او جنایت څخه د روغ وتلو» او همدارنګه د «دروغ ویلو او تبلیغاتو د تلپاتې لړۍ د تکرار» فرصت وباله.
