جمهوري غوښتونکي سناتور ټېډ کروز یو ځل بیا په دې ټینګار سره چې «امریکا د ایران د خلکو ترڅنګ ولاړه ده»، فاکسنیوز شبکې ته وویل: «زه له ډونالډ ټرمپ سره موافق یم؛ ایران نوي مشرتابه ته اړتیا لري».
هغه زیاته کړه: «خامنهیي له امریکا کرکه لري او متحده ایالات باید هر هغه ګام پورته کړي چې د دغه رژیم د پای ته رسولو لپاره ممکن وي».
سناتور ټېډ کروز د ایران پر اټومي تاسیساتو د برید په اړه د ټرمپ پرېکړه د هغه د ولسمشرۍ په دویمه دوره کې د بهرني سیاست تر ټولو مهمه پرېکړه وبلله او ویې ویل، که چېرې ډیکټاټور اټومي وسلو ته لاسرسی موندلی وای، نو ښايي د زرګونو او ان د میلیونونو امریکایانو د وژلو لپاره یې ترې ګټه اخیستې وای.هغه دغه څرګندونې په داسې حال کې وکړې، چې له نږدې یوې میاشتې راهیسې په ایران کې د حکومت ضد پراخ لاریونونه روان دي.یوه ایراني چارواکي د یکشنبې په ورځ وویل، چې په ایران کې د لاریونونو پر مهال لږ تر لږه پنځه زره کسان وژل شوي، چې ۵۰۰ پهکې امنیتي سرتېري دي. له دې یوه اوونۍ وړاندې ایران انټرنشنل خبر ور کړی و، چې په لاریونونو کې ۱۲ زره کسان وژل شوي دي.
د دغې غونډې په څنډه کې یو شمېر مدني فعالانو او هنرمندانو د یوې سمبولیکې صحنې په تمثیل کولو سره هڅه وکړه، چې د هغې ځوانې ښځې انځور نندارې ته وړاندې کړي، چې د خپل ورور مړی یې په غېږ کې نیولی و؛ هغه انځور چې د تنظیموونکو په وینا، د ایران پر خلکو د تپل شوي رنځ، خپګان او تاوتریخوالي انعکاس دی.
د «ندای ایران» ټولنې په اعلامیه کې راغلي دي: «د اسلامي جمهوریت رژیم یو ځل بیا په یو بوږنوونکي جنایت لاس پورې کړ؛ داسې جنایت چې هم د وژل شویو کسانو د نه منلو وړ شمېر او هم د کارول شوي تاوتریخوالي د شدت او ډول له اړخه بېساری دی. د انټرنټ او ارتباطي شبکو پرې کول او خبري کلابندي لا هم د دې خنډ ګرځي چې د دې وژنې اصلي څېره په بشپړه توګه نړۍوال په خپلو سترګو وګوري».
په اعلامیه کې پر دې ټینګار شوی: «موږ له ایرانیانو او فرانسوي وګړو وغوښتل چې راټول شي ترڅو هغه لږ خبرونه چې هر یوه ترلاسه کړي دي، په یو دوستانه فضا کې له یو بل سره شریک کړي».
د دې غونډې موخه د قربانیانو د یاد ژوندی ساتل، د خبري چوپتیا ماتول او د نړۍ د عامه پوهاوي راجلبول بلل شوې، ترڅو د ایرانیانو د ځپلو او تاوتریخوالي اړخونو ته پام واړول شي.
