د برېتانیا پخوانی دفاع وزیر: د اسلامي جمهوریت نسکورېدل ازادې نړۍ ته ستره لاستهراوړنه ده

د برېتانیا پخواني دفاع وزیر سِر لیام فاکس په ایران کې د ملايانو نسکورېدل د ایران د خلکو او د ازادې نړۍ لپاره ستره لاستهراوړنه بللې ده.
نوموړي په هغه مقاله کې چې د یکشنبې په ورځ (د مرغومي ۲۸مه) په برېتانوي ورځپاڼه ټېلګراف کې خپره شوه، لیکلي: «هغه ایران چې لوېدیځ ته مخه ولري او د پانګونې لپاره جذاب وي، کولای شي د فوسیلي سونتوکو د نړۍوالې عرضې معادلې په بنسټیز ډول بدلې کړي او د روسیې د تېلو پر اقتصاد سخته ضربه واړوي».
دغه پخواني برېتانوي چارواکي د علي خامنهيی تر مشرۍ لاندې د ایران حکومت د نړۍ له تر ټولو «ناپاکو او بېرحمو» رژیمونو څخه وباله او زیاته یې کړه: «د دغو پرلهپسې جنایتونو پر وړاندې د لوېدیځ غبرګون په ډېرو مواردو کې په شرموونکې توګه کمزوری او چوپ پاتې شوی دی».
د هغه په وینا، د ایران حکومت دا مهال له ۱۹۷۹ کال راهیسې په خپل تر ټولو کمزوري دریځ کې دی او د خپلې بقا لپاره له معترضانو سره په یوه حیاتي جګړه کې ښکېل دی.
