د افغانستان ۱۹ کلنه لوبډله د ویسټ انډیز پر وړاندې د ځوانانو نړیوال جام دویمه لوبه کوي

د افغانستان نوولس کلنه کرېکټ ملي لوبډله د روان کال د ځوانانو نړیوال جام سیالیو په لړ کې نن خپله دویمه لوبه د ویسټ انډیز د نوولس کلنې لوبډلې پر وړاندې ترسره کوي. افغان ځوانو د لوبې ټاس وګاټه او د توپ وهنې پرېکړه یې وکړه.
نننۍ سیالي جې د افغانستان پر وخت د غرمې په ۱۲:۰۰ بجو پیل شوه. افغان نوولس کلنې لوبډلې د لوبې پچه (ټاس) ګټلې او د توپ وهنې پرېکړه یې کړې ده.
افغان لوبډله دا لوبه په داسې حال کې ترسره کوي چې په خپله لومړۍ سیالۍ کې یې د سویلي افریقا نوولس کلنې لوبډلې ته ماتې ورکړې او په ښه روحیه سیالۍ ته ښکته کېږي.
د کرېکټ شنونکي وایي، د ویسټ انډیز پر وړاندې دا لوبه د افغان ځوانانو لپاره د ټورنمنټ په روان بهیر کې مهمه ده او د مخکې تګ لپاره یې امکانات زیاتوي.
