طالبانو د نورستان د برګمټال او کامدېش ولسوالیو د بدیلې لارې سروې بشپړه کړې

د طالبانو د عامې روغتیا وزارت په خبرپاڼه کې راغلي، چې دغه کمپاین د نړۍوالو ادارو په ملاتړ د هېوادو په ټولو حوزو کې پلی کېږي.

د مسولینو په وینا، دغه لړۍ یوازې په دایکندي او بامیان ولایتونو کې د سړي هوا له امله ځنډېدلې او په غور ولایت کې به هم په یوه اونۍ په ځنډ ترسره شي.

د طالبانو د عامې روغتیا وزیر نورر جلال جلال وویل:« موږ به خپلې ټولې هڅې وکړو او پولیو واکسین کمپاینونو او نورو اړینو روغتیايي خدماتو ته به تر هغې دوام ورکړو، څو دا ناروغي په بشپړه توګه له افغانستان نه ورکه کړو».

دا په داسې حال کې ده چې د روغتیا نړۍوال سازمان په خپل وروستي راپور کې افغانستان او پاکستان لا هم د پولیو ویروس له اړخه خوندي نه دي ګڼلي.

د دغه سازمان د اجراییوي بورډ په ۱۵۸مه غونډه کې وویل شول، چې د ۲۰۲۵ کال تر اکتوبر پورې په نړۍ کې د پولیو ټولې ۳۸ پېښې ثبت شوې وې، چې ټولې یې یوازې په افغانستان او پاکستان کې وې.

که څه هم دا شمېر د تېرو کلونو په پرتله کم شوی، خو د ویروس دوامدار شتون لا هم د بشپړ وررکاوي پر وړاندې لویه ننګونه ګڼل کېږي.

د طالبانو د پېښو پر وړاندې د مبارزې ادارې ویاند محمد یوسف حماد د شنبې په ورځ ویلي، چې په تېرو ۴۸ ساعتونو کې کې په کابل، پروان، پنجشیر، پکتیا، پکتیکا، غزني، کندهار، فراه، بادغیس، بلخ، سرپل، فاریاب، بدخشان، ننګرهار، لغمان او کونړ ولیتونو کې د بارانونو، سېلابونو او د کورونو د چت نړېدو له امله د ځاني زیان ترڅنګ ۴۸ کورونه په بشپړ ډول او ۱۳۴ کورونه په نسبي ډول ویجاړ شوي دي.

د یادې ادارې ویاند ویلي، چې په تېرو ۴۸ ساعتونو کې ۱۰۰ څاروي هم تلف شوي دي.

دا په داسې حال کې ده، چې د وري میاشتې له ۶مې نېټې راهیسې په افغانستان کې د سېلابونو، بارانونو، زلزلې او کورونو د چت نړېدو له امله ۱۷۹ کسان مړه او ۲۳۸ کسان ټپیان شوې دي.

د طالبانو د امربالمعروف وزارت نن شنبه، د وري ۲۲مه ویلي، چې خالد حنفي د دغه وزارت ولایتي رییسانو، د شکایتونو اورېدلو امریتونو او مالي او اداري کارکوونکو ته د دعوتي چارو د پیاوړتیا په موخه یو ورځني سمینار کې وویل، چې « د الله پر ځمکه د احتساب دنده نېکو بندګانو ته سپاري؛ نو ځکه باید د شریعت د احکامو په پلي کولو او د خلکو حقونو ته په رسېدنه کې له پوره همغږۍ او ګډې همکارۍ کار واخیستل شي».

نوموړي دا څرګندونې پر داسې مهال کړې، چې د طالبانو له بیا ځلي واکمنېدو سره، یادې ډلې تل د قانون پر پلي کولو ټینګار کړی، خو پر فعالیتونو یې جدي نیوکې هم دي.

نیوکه کوونکي وايي چې طالبان پر خپلو مسوولینو د قانون په تطبیق کې بریالي نه دي او داخلي رسنۍ یې د چارواکو د هر ډول فساد په اړه له راپور ورکولو منعه کړې دي.

د ډله‌ییز امنیت تړون سازمان پرون جمعه (د وري په ۲۱مه) په یوه خبرپاڼه کې ویلي، چې دواړه خواوو د دغه پروګرام عملي کول د مرکزي اسیا او د یاد سازمان د غړو هېوادونو لپاره «حیاتي» بللی.

په دغه لیدنه کې د یاد سازمان سرمنشي د تاجکستان له ولسمشر او امنیتي ځواکونو څخه د ګډو پوځي تمرینونو د ملاتړ له امله مننه کړې او د دغه تمرینونو د چمتو کولو او پلي کولو په برخه کې یې د هغوی هڅې ستایلې دي.

تاجکستان تر دې وړاندې منلې وه، چې د افغانستان له لوري په سرحدي بریدونو کې پنځه تنه وژل شوي دي. تر هغې وروسته امام‌علي رحمان امنیتي بنسټونو ته سپارښتنه وکړه، چې د سرحدي امنیت پیاوړتیا لارې چارې وارزوي.

طالقبیک ماسادکوف ویلي، چې د ډله‌ییز امنیت تړون سازمان له اساسي دندو څخه یوه هم د تاجکستان او افغانستان ترمنځ د پولې امنیت پیاوړتیا لپاره د ګډو حکومتي پروګرامونو پلي کول دي.

دغه پروګرام د ۲۰۲۴کال په نومبر میاشت کې د یاد سازمان د غړو هېوادونو د مشرانو له لوري تصویب شو. ماسادکوف مخکې ویلي و، اوس‌مهال دغه سازمان د یاد پروګرام د لومړي پړاو په عملي کولو بوخت دی.

تاجکستان د مرکزي اسیا له هغه هېوادونو څخه دی، چې له افغانستان سره تر ټولو اوږده پوله لري چې اوږدوالی یې ۱۳۴۴ کیلومتره دی. تاجکستان د طالبانو تر بیا واکمنېدو وروسته څو ځلې خبرداری ورکړی، چې د بېلابېلو وسله‌والو ډلو غړي د افغانستان په شمالي سیمو کې فعالیت کوي.

د دغه کمېسیون د راپور له مخې؛ دغه کډوال د ننګرهار د تورخم، د کندهار د سپین بولدک، د هرات د اسلام‌کلا او د نیمروز د ورېښمو پله له لارې ستانه شوي دي. راپور زیاتوي، له دې ډلې ۵۹۷ کورنۍ د تورخم له لارې، ۸۲کورنۍ د سپین بولدک له لارې، ۴۴ کورنۍ د ورېښمو پله له لارې، او ۸کورنۍ د اسلام‌کلا له لارې افغانستان ته ستنې شوې دي.

د یاد کمېسیون د معلوماتو پر بنسټ؛ راستنو شویو کورنیو سره د اړتیا وړ مرسته هم شوې ده.

دا په داسې حال کې ده چې د وروستیو راپورونو له مخې؛ پاکستان کې د نفوسو د ثبت ادارې سرچینو «ده نېشن» ورځپاڼې ته ویلي، چې هره ورځ شاوخوا له ۵۰۰ تر ۶۰۰ پورې افغان کډوال یوازې د چمن له لارې افغانستان ته په جبري توګه ستانه کېږي. د پاکستاني چارواکو په وینا؛ تراوسه له ۲ مېلیونو ډېر افغان کډوال له دغه هېواده اېستل شوي دي.

په همدې حال کې د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنېټ خبرداری ورکړی، چې د افغان کډوالو اېستل هغوی د بشري حقونو د سرغړونو له جدي ګواښ سره مخ کوي.