رواداري بنسټ: په هرات کې پر شیعه‌ګانو ډزې «هدفي» برید وو

په خوست کې د لونګ تعلیمي راډیو په فېسبوک‌پاڼه د خوست ولایت لپاره د طالبانو د اطلاعاتو او کلتور ریاست په خپاره شوي مکتوب کې د یادې راډیو ښوونیزې خپرونې د طالبانو د پوهنې وزارت له تعلیمي نصاب سره په ټکر کې بلل شوي او د بندېدو غوښتنه یې کړې ده.

د طالبانو په مکتوب کې لیکل شوي: «د دې لپاره چې ستاسو تعلیمي ښوونیزې خپرونې د پوهنې محترم وزارت له تعلیمي نصاب سره په ټکر کې دي، بناً تر څو پورې چې تاسو خپل مشکلات او ستونزې د پوهنې ریاست سره حل کړي نه‌وي، تر هغې پورې خپلې تعلیمي او ښوونیزې خپرونې بندې کړئ».

له دې سره سم، د لونګ تعلیمي راډیو مسوولینو په خپله فېسبوک‌پاڼه لیکلي، د خوست ولایت لپاره د پوهنې ریاست په غوښتنه د اطلاعات او کلتور ریاست په مکتوبي امر خپلې ټولې درسي خپرونې قطع او تر هغې ځنډوي چې موضوع په هر اړخیز ډول بحث او وڅیړل شي.

دغې راډیو خبرداری ورکړی، که د طالبانو له لوري پرې محدودیتونه دوام ومومي، نو اړ کېږي چې خپل ټول نشرات وځنډوي.

د لونګ تعلیمي راډیو په فېسبوک‌پاڼه لیکل شوي: «دا چې لونګ راډیو په بشپړ ډول تعلیمي ده او ټول نشرات یې درسي خپرونې دي، ځکه نو دا یادونه هم کوو چې که محدودیت دوام پیدا کړي نو راډیو به هم خپل نشرات وځنډوي، ځکه چې په نشراتو کې له درسونو پرته نور څه لکه: خبرونه، تفرېح، تجارتي اعلانات او نورې معمولې خپرونې نه‌لرو».

تر دې مخکې هم په ډېریو ولایتونو کې د طالبانو د محدودیتونو له مله یو شمېر رسنیو خپلې چارې درولې دي.

د طالبانو سترې محکمې د شنبې په ورځ (د وري ۲۲مه)د یوې خبرپاڼې په خپرولو سره ویلي، یاد کسان له ۲۵ تر ۳۰ دُرو وهل شوي او همداراز له اوو میاشتو تر ۳نیمو کلونو په تنفیذي بند هم محکوم شوي دي.

د کابل ولایت لپاره د طالبانو له نشه‌يي توکو او مسکراتو څخه د مخنیوي ابتدایي محکمې ویلي، دغه پرېکړه د سترې محکمې له تاییدۍ وروسته عملي شوې ده.

دا په داسې حال کې ده، چې د ملګرو ملتونو کارپوهانو په دې وروستیو کې په افغانستان کې د طالبانو له‌خوا په عام محضر کې د قضایي بدني سزاګانو مخ پر زیاتیدونکې ورکړې، چې په وینا یې تش په نامه د «اخلاقي جرمونو» لپاره ورکول کېږي، د بشري حقونو له نړۍوالو قوانینو سرغړونه بللې ده.

سمېع سادات د شنبې په ورځ (د وري ۲۲مه) په خپله فېسبوک‌پاڼه زیاته کړې، چې متحده جبهه کې د دوی ملګري‌ د هرات د پېښې مسوولین طالبان ګڼي او زیاته کړې یې ده، چې پر افغانستان دا واکمنه ډله د افغانانو د امنیت د ټینګولو وړتیا نه‌لري. د یادونې وړ ده، چې تېره ورځ د هرات په انجیل ولسوالۍ کې ناپېژانده وسله‌والو یوولس کسان په ډزو ووژل او یو شمېر نور یې ټپیان کړل.

طالبانو هم دا پېښه منلې او ادعا یې کړې، چې په تړاو یې یو شکمن کس نیولی، خو تر اوسه هېڅ کومې وسله‌والې ډلې د دغه برید مسوولیت نه‌دی منلی. د

مخکېني جمهوري نظام یو شمېر پخوانیو چارواکو او سیاستوالو هم د هرات وروستۍ پېښه «ترهګریزه او بشري جنایت» بللی دی.

د غزني ولایت لپاره د طالبانو د رسنیو دفتر د شنبې په ورځ (د وري ۲۲مه) د یوې خبرپاڼې په خپرولو سره ویلي، د قره‌باغ ولسوالۍ په اختوالو کلي کې د یوه کور د چت د رانړېدو له امله د محب‌الله او نصرت‌الله په نومونو دوه کسان مړه شوي دي.

په خبرپاڼه کې راغلي: «یاد کسان چې محب‌الله او نصرت‌الله نومېدل، د خپل استوګن کور د خونې بام د ستنو ترمیم او رغونې په کار بوخت وو، چې ناڅاپه د خونې بام پرې ونړېد».

د خبرپاڼې پربنسټ، د بام له نړېدو سره دواړه کسان تر خاورو لاندې شول او په هماغه ځای کې یې ساه ورکړه.

د غزني ولایت لپاره د طالبانو د مسوولینو په وینا، یاده پېښه د کور د زړو ستنو او بام د کمزورتیا له امله رامنځته شوې ده.

د طالبانو سترې محکمې د شنبې په ورځ (د وري ۲۲مه) د یوې خپرپاڼې په خپرولو سره ویلي، دغه درمل د زرنج- دلارام د لویې لارې په اوږدو کې ترلاسه شوي وو.

د خبرپاڼې له‌مخې، یاد درمل له قانوني څېړنو او د محکمې له پرېکړې وروسته وسوځول شول، خو په خبرپاڼه کې په دې اړه چې د دغو درملو د قاچاق په تړاو څوک نیول شوي او که څنګه، څه نه‌دي ویل شوي.

دا په داسې حال کې ده، چې د نیمروز د مرکز زرنج ښار د درېیمې امنیتي حوزې په شاوخوا سیمو کې هم ۲ کسان د انساني درملو او نورو قاچاقي توکو د قاچاق په تړاو نیول شوي دي.

د یادونې وړ ده، چې د افغانستان او پاکستان تر منځ له شخړې وروسته د دواړو لورو تر منځ هر ډول سوداګري په ټپه درول شوې او ځینې قاچاق کوونکي هڅې کوي، د اړتیا وړ توکي هېواد او یا هم نورو هېوادونو ته قاچاق کړي.