سعودي عربستان د عراق له خاورې د ډرون ګواښونو په تړاو د دغه هېواد سفیره احضار کړې
سعودي عربستان د عراق له خاورې د بېپیلوټه الوتکو (ډرونونو) د ګواښونو له خپرېدو وروسته په ریاض کې د عراق سفیره صفیه طالب سهیل احضار کړې ده.
د سعودي د بهرنیو چارو وزارت په یوه اعلامیه کې ویلي، چې ریاض د عراق له حکومت څخه غوښتي څو د دغو ګواښونو او بریدونو په وړاندې مسوولانه چلند وکړي او د مخنیوي لپاره یې جدي ګامونه واخلي.
د سعودي عربستان چارواکو ټینګار کړی چې دا ډول ګواښونه نه یوازې د سعودي، بلکې د ټولې سیمې امنیت ته جدي خطر پېښوي.
