په بغلان کې د درېیو ولایتونو د کورش لوبغاړو تر منځ سیالۍ ترسره شوې
د طالبانو د المپیک، بدني روزنې او سپورټ ریاست وايي، په بغلان کې د کندوز، سمنګان او بغلان د کورش د ۸۰ لوبغاړو تر منځ سیالۍ ترسره شوې. په دغو سیالیو کې ۳۰ لوبغاړو د خپلو سیالانو په ماتولو سره د جوایزو وړ وګڼل شول.
د طالبانو د المپیک، بدني روزنې او سپورټ ریاست مسوولین وايي، دغه سیالۍ د یکشنبې په ورځ (د وري ۲۳مه) د بغلان په نهرین ولسوالۍ کې ترسره شوې.
د مسوولینو په وینا، په دې سیالیو کې ۱۰ لوبې په مساوي توګه پایته ورسېدې او ګټونکو ۳۰ لوبغاړو ته جایزې هم ورکړل شوې.
