اسحاق ډار: په کار ده چې امریکا او ایران د اوربند په تړاو پر خپلو ژمنو ولاړ پاتې شي
د پاکستان په منځکړیتوب د امریکا او ایران ترمنځ د خبرو اترو له پای ته رسېدو وروسته د دغه هېواد د بهرنیو چارو وزیر اسحاق ډار ویلي، دواړو لوریو خبرې وکړې، خو اوس اړینه ده، چې ټولې خواوې د اوربند په تړاو پر خپلو ژمنو ولاړې پاتې شي.
ډار ویلي:«پاکستان خپل رول ادا کړی او په راتلونکو ورځو کې به هم د امریکا او د ایران ترمنځ د ښکېلتیا او خبرو اترو اسانتیا لپاره خپل رول ته دوام ورکړي».
ډار ویلي، چې په تېرو ۲۴ ساعتونو کې د امریکا او ایران ترمنځ د سختو او رغنده خبرو اترو د څو پړاوونو په منځګړیتوب کې د پاکستان د پوځ لوی درستیز عاصم منیر مهم رول ولوباوه.
دا په داسې حال کې ده، چې د واشنګټن او تهران ترمنځ خبرې نن پای ته ورسېدي او د دواړو هېوادونو پلاوي نن د یکشنبې په ورځ بېرته خپلو هېوادونو ته ستانه شول.
د خبرو له پای ته رسېدو وروسته د امریکايي پلاوي مشر جيډي وېنس له ایران سره خبرو کې کومې هوکړې ته نه دی رسېدلی او د ایراني پلاوي مشر باقر قالیباف ویلي، چې امریکا دې د ایران د باور ترلاسه کولو په تړاو پرېکړه وکړي.
