په خیبر پښتونخوا کې په څلورو جلا پېښو کې د یوې ښځې په ګډون پنځه کسان وژل شوي دي
په خیبر پښتونخوا کې په بېلابېلو پېښو کې د یوې ښځې په ګډون پنځه کسان وژل شوي، چې پهکې د فاروق په نوم د سولې کمېټې یو غړی هم شامل دی. پولیس وایي، چې د خیبر پښتونخوا په ټانک ولسوالۍ کې د ناپېژاندو وسلهوالو په ډزو کې د فاروق په نوم د سولې کمېټې دغه غړی وژل شوی دی.
په یوې بلې جلا پېښه کې بیا د ټانک ولسوالۍ په سړک د ناپېژاندو کسانو په ډزو د خېزالله خان محسود په نوم یو کس وژل شوی دی. په همدې سیمه کې د ګره حیات کلي په ګنډاپور چوک کې هم یو کس وژل شوی دی.
بلخوا د ډېره اسماعیل خان په درابن سیمه کې په یوې ناموسي پېښه کې د یوې ښځې په ګډون دوه کسان وژل شوي دي. پولیس وایي، چې د چودوان تاڼې شاوخوا سیمه کې یو کس خپله ورېنداره او یو سړی «د نامشروع اړیکو» په تور وژلي دي. د پولیسو په وینا؛ تورن کس تر پېښې وروسته له سیمې تښتېدلی او د نیولو هڅې یې روانې دي.
