پوتین پزشکیان ته: مسکو په منځني ختیځ کې د دوامداره سولې لپاره منځګړیتوب ته چمتو دی
د روسیې ولسمشر له خپل ایراني سیال مسعود پزشکیان سره د ټلیفون په کرښه د خبرو پرمهال ویلي، نوموړی چمتو دی چې په منځني ختیځ کې د شخړې د حل او تلپاتې سولې لپاره منځګړیتوب وکړي». د دواړو هېوادونو مشرانو په منځني ختيځ کې د وروستیو بدلونونو په اړه هم خبرې کړې دي.
کریملین ماڼۍ ویلي، په دې خبرو کې د ایران ولسمشر په اسلاماباد کې د امریکا او ایران د خبرو ارزونه هم له پوتین سره شریکه کړې. ایران او امریکا د یکشنبې په ورځ په منځني ختیځ کې د جګړې د پای ته رسولو لپاره کومې هوکړې ته ونه رسېدل. د روسي رسنیو د راپورونو له مخې؛ د روسیې او ایران ولسمشرانو له ډیپلوماټیکو لارو د سولې د ټینګښټ غوښته وکړه.
