راشد خان د کرکټ نړیوالې شورا «د لوبغاړو مشورتي بورډ» د غړي په توګه وټاکل شو
د افغانستان د کرکټ نامتو ستوری راشد خان د کرکټ نړیوالې شورا د لوبغاړو مشورتي بورډ د نوی غړي په توګه ټاکل شوی دی.
د افغانستان د کرکټ نامتو ستوری راشد خان د کرکټ نړیوالې شورا د لوبغاړو مشورتي بورډ د نوی غړي په توګه ټاکل شوی دی.
د کرکټ نړیوالې شورا په یوه تازه اعلان کې ویلي، چې د دې بورډ په جوړښت کې بدلونونه د دې لپاره راوستل شوي چې د نړیوال کرکټ په مهمو پرېکړو کې د لوبغاړو رول او غږ لا پیاوړی شي.
د اعلامیې له مخې، راشد خان د سریلانکا له چاماري اتاپاتو او د ایټالیا له وین مډسن سره یو ځای د دې مشورتي بورډ غړی شوی دی.
همداراز، د نیوزیلنډ لوبغاړي ډاریل میچل او مادي ګرین هم د نوو غړو په توګه ورزیات شوي دي.
دغه بورډ د نړۍ د کرکټ له مشهورو څېرو لکه پت کامینز، جیسن هولډر، هیډر نایټ او ایډن مارکرام څخه جوړ دی، چې د نورو لوبغاړو ترڅنګ د نړیوال کرکټ پر مهمو موضوعاتو سلا مشورې وړاندې کوي.
د کرکټ نړیوالې شورا ویلي، دا بدلونونه د ملي لوبډلو سره د وروستیو غونډو وروسته او د دې لپاره ترسره شوي چې د دې ورزش په راتلونکي کې د لوبغاړو ونډه نوره هم پیاوړې شي.
یاد مشورتي بورډ چې په ۲۰۱۸کال کې جوړ شوی، چې د دې ادارې له مهمو بنسټونو څخه ګڼل کېږي او د بېلابېلو هېوادونو د لوبغاړو نظرونه او وړاندیزونه د نړیوالو سیالیو، پلان جوړونې او د لوبغاړو د حقونو په اړه وړاندې کوي.
