روان کال؛ د پاکستان په سند ایالت کې ۳۲۹ ماشومان پر اېډز ناروغۍ اخته شوي دي
د پاکستان په سند ایالت کې ورځ تر بلې د اېډز «اېچایوي» ویروس په ماشومانو کې د پراختیا په حال کې دی. د سند د روغتیایي چارواکو په وینا؛ روان کال ۳۲۹ ماشومان پر «اېچایوي» ناروغۍ اخته شوي دي.
د ځایي چارواکو د معلوماتو له مخې؛ په اخته شویو ماشومانو کې ۱۸۸ هلکان او ۱۴۱ نجونې شاملې دي. روغتیایي کارپوهانو وايي، چې د ورځې په سند ایالت کې په منځنۍ کچه له درېیو تر څلورو ماشومان په دغه ویروس اخته کېږي.
د سند د روغتیا وزارت د معلوماتو له مخې؛ د روان ۲۰۲۶کال په لومړيو درېیو میاشتو کې ټولټال ۸۹۴ د «اېچایوي» پېښې ثبت شوې دي.
