د پاکستان د ګلګټ بلتستان اسمبلۍ ټاکنو لپاره مهالوېش اعلان شو
د پاکستان ګلګټ بلتستان اسمبلۍ ۲۴ څوکیو ټاکنو لپاره د ټاکنو کمېسیون لهخوا مهالوېش اعلان شو، چې د روان کال (د جون په ۷مه) نېټه به ترسره شي. د مهالوېش له مخې؛ د روانې اپرېل میاشتې له ۱۶مې تر ۲۰مې نېټې پورې په ټاکنو کې برخه اخیستونکي کولاي شي چې د نوماندۍ لپاره اسناد دوی ته وسپاري.
د نوماندۍ اسنادو ارزونه به (د اپریل له ۲۱مې تر ۲۸مې نېټې) دوام وکړي او د نوماندانو د اسنادو تر ارزونې وروسته به وروستی نوملړ بیا د مئ میاشتې په ۱۲مه نېټه خپور شي.
