ناپېژاندو وسلهوالو په بلوچستان کې د ګوزڼ ضد واکسینو کمپاین پرمهال یو پاکستانی سرتېری وژلی
ناپېژاندو وسلهوالو د بلوچستان ایالت د ډېره مراد جمالي ولسوالۍ اړوند ټياېنټي کالونۍ سیمه کې د ګوزڼ ضد واکسینو کمپاین ټیمونو د ساتنې لپاره په دنده بوخت د فرمان بشیر بهراني په نوم یو پاکستانی پولیس سرتېری په ډزو وژلی.
دا په داسې حال کې ده، چې د روانې میاشتې له ۱۳مې نېټې راهیسې په ټول پاکستان کې د ګوزڼ ضد واکسینو ملي کمپاین دوام لري. د بلوچستان ځایي حکومت لهخوا ويل شوي، چې د ګوزڼ ضد ملي کمپاین لپاره يې بشپړ چمتوالي نیولی او د کارکوونکو د ساتنې لپاره پوليسو ته دنده سپارل شوې ده.
د یادونې وړ ده، چې پاکستان او افغانستان د نړۍ دوه هغه هېوادونه دي چې لاهم د ګوزڼ ویروس نښې او زیانونو پهکې لیدل کېږي. بل لور ته په بېلابېلو وختونو کې د ګوزڼ ضد واکسینو کمپاین پرمهال نه یوازې په ساتونکو؛ بلکې د ګوزڼ ضد کمپاین کې پر برخه اخیستونکو کارکوونکو هم بریدونه شوي دي.
