په کابل کې د بډمنټون د ۴ منتخبو لوبډلو تر منځ سیالۍ پیل شوې
د طالبانو د المپيک بدني روزنې او ورزش رياست وايي، د یوه خیریه بنسټ په مالي ملاتړ په کابل کې د بډمنټون د ۴ منتخبو لوبډلو تر منځ سیالۍ پیل شوې. د دغو سیالیو په پرانېسغونډه کې له طالب مسوولینو سربېره ځينو بهرنیو ډيپلوماټانو هم حضور درلود.
د طالبانو د المپيک بدني روزنې او ورزش ادارې د چهارشنبې په ورځ (د وري ۲۶مه) د یوې خبرپاڼې په خپرولو سره ویلي، دغه سیالۍ د څه باندې ۱۰۰ لوبغاړو تر منځ پیل شوي او لا هم دوام لري.
د خبرپاڼې لهمخې، دغه سیالۍ چې په پنځو عمري کټګوريو ( ۱۳، ۱۵، ۱۷، ۱۹ او ۲۰+ کلنو) کې پيل شوي په لومړۍ لوبه کې یې محمد صادق بارکزي،خپل سیال احمد فهيم ضیايي ته ۲ د صفر ميدانونو په توپير ماتې ورکړه او لومړۍ بریا يې په خپل نوم کړه.
